बिहीबार, कार्तिक १३ २०७७ | Thu, October 29, 2020
नेपालको समय: ०७:५१ | UK Time: 02:06

आमाद्वारा नारी दिवसमा ब्लाइन्ड रक्सलाई लाख रुपैयां हस्तान्तरण

वीनेपाली
२०७३ फागुन २४ गते २०:३७

लन्डन । एसियन महिला असोसिएसन (आमा) ले गत ५ मार्चमा १०७ औं अन्तर्राष्ट्रिय नारी दिवस मनाएको छ । अल्डरसटस्थित भेटघाट रेष्टुरेन्टमा आयोजित उक्त कार्यक्रमका अवसरमा आमाले दृष्टिविहीन नेपालीका हितमा कार्यरत संस्था ब्लाइन्ड रक्सलाई एक लाख एक रुपैयां सहयोग समेत गरयो । संस्थाले गत वर्षको तीज कार्यक्रममा राफल चिठ्ठाबाट संकलित रकम ब्लाइन्ड रक्सकी संस्थापक दृष्टिविहीन सृष्टि केसीलाई हस्तान्तरण गरेको हो ।

उक्त कार्यक्रममा प्रमुख अतिथी थिए ब्लाइन्ड रक्सकी संस्थापक दृष्टिविहीन सृष्टि केसी र रसमुर मेयर ज्याकी भोस्पेर । सम्वोधनका क्रममा सृष्टिले मानिसको दृष्टि गुमेपनि आत्माविश्वास लिएर जीवनमा धेरै गर्न सकिने बताइन् । आंखामा एलर्जी भएर जचाउंन जांदा चिकित्सकको लापरवाहीले १६ वर्षको उमेरमा पुरै दृष्टि गुमाएकी उनले आफ्नो अनुभव र संस्थाका गतिविधिबारे प्रकाश पारेकी थिइन् ।


आमाकी अध्यक्ष अम्बिका खड्काको सभापतित्वमा भएको कार्यक्रममा मेयर ज्याकी भोस्पेरले महिलाहरुले आफ्नो अधिकारका लागि आवाज उठाउनुपर्ने जनाउंदै प्रत्येक पुरुषको सफलता पछाडि महिलाको मुख्य भूमिका रहने बताइन् । कार्यक्रममा संस्थापक अध्यक्ष माया केसी, मिस यूके नेपाल ०१६ की फस्ट रनरअप प्रशंसा लिम्बु, भाविका लोप्चन, नन्दकुमारी गुरुङ लगायतले पनि आ आफ्ना धारणा राखेका थिए । कार्यक्रमका केही महिला वक्ताले मानसिक तनाव र घरेलु हिंसा सम्वन्धि अनुभव समेत बांडे ।

प्रतिक्रिया

सम्बन्धित सामाग्री

फेसबुक