लण्डन । नेपाली काँग्रेसको भातृ संगठन नेपाली जनसम्पर्क समिति बेलायतको विवाद टुंगिएको छ ।
लण्डनस्थित हिमालय क्लवमा आइतबार बसेको बैठकले यही जुलाईमा एकता अधिवेसनको मिति तोक्दै लामो समयदेखि थाँती रहेको विवादलाई किनारा लगाएको हो ।
बैठकमा सहभागी समितिका सल्लाहकार विश्वआदर्श पण्डितका अनुसार, अधिवेसन सम्पन्न गर्नका लागि लोक गुरुङको संयोजकत्वमा विनोद मोक्तान, विज्ञान प्रसाई र चेतनाथ खनाल सदस्य रहेको आयोजक समिति बनाइएको छ ।
समितिको सन् २००९ देखि अधिवेसन हुन सकेको छैन ।
यसअघि गतहप्ता वरिष्ठ नेता रामचन्द्र पौडेलको उपस्थितिमा विवाद मिलाउन विभिन्न प्रयास भएपनि सफल हुन सकेको थिएन ।
उक्त विवाद मिलाउन समितिका सल्लाहकार समाजसेवी चिरन्जिबी ढकालको पहलमा आजको त्रिपक्षीय वार्ता भएको हो ।
