प्रेमदिवसमा अन्जुले दिइन् यस्तो कोसेली

लन्डन । प्रेम दिवसलाई लक्षित गरेर गायिका अन्जु पन्तको नयाँ गीत भिडियो सहित सार्वजनिक गरिएको छ । ‘जिन्दगीको प्राप्ति तिमी’ बोलको यो प्रेमिल गीत आफ्ना श्रोताहरुलाई भ्यालेन्टाइनको कोसेली भएको उनी बताउँछिन् । ‘मलाई आशा छ मेरो यो कोसेलीलाई श्रोता दर्शकहरुले सहर्ष स्विकार्नु हुनेछ’, अन्जु भन्छिन् ।

चर्चित संगीतकार अर्जुन पोखरेलको संगीतले सजिएको यस गीतको छायांकन लन्डनको रमणिय स्थानमा गरिएको छ । यसको निर्देशन सञ्चारकर्मी कुशल श्रेष्ठले गरेका हुन् जो पछिल्लो समय म्युजिक भिडियोमा आफ्नो मेकिङ र अत्याधुनिक प्रविधि प्रयोगका कारण लन्डनका नेपालीमाझ चर्चित छन् । यो गीतमा प्रस्तुति र प्रविधिको राम्रो तालमेल देख्न सकिने उनी बताउँछन् ।

गीतकार नृपेश उप्रेतीको एल्बम ‘आहान अर्को खुशी’ मा समाबेश यस गीतको म्युजिक भिडियोमा बिकेश र अनुले रोमान्स गरेका छन् ।

म्युजिक भिडियो