शुक्रबार, कार्तिक ७ २०७७ | Fri, October 23, 2020
नेपालको समय: ०७:५९ | UK Time: 03:14

टुटेपछि सपनाहरु फेरी देख्न गारहो हुन्छ

वीनेपाली
२०७३ माघ २ गते २२:३३

टुटेपछि सपनाहरु फेरी देख्न गारहो हुन्छ
टुटेका सपनाहरु सोरेर अर्को सपना बुन्न झन् सारहो हुन्छ
पराजयपछि जिन्दगीमा जित्न सारहो हुन्छ
हारेका लडाईंहरु बिर्सेर अर्को लडाईको तयारी झन् गारहो हुन्छ

भावनाको तस्बिरहरुमा यथार्थको चित्र कोरिएको हुन्छ
सृजनाको दर्पणमा व्यथा लुकाउन, त्यसैले गारहो हुन्छ
जीवनको यात्रामा उतार चढाव त आइ नै रहन्छ
कसैको पीडा, कसैको हांसोमा लुकेको जिन्दगी त्यसैले जिउन गारहो हुन्छ

दुखको आँगनमा भेट्दा, जिन्दगी बगेको आँसु जस्तो हुन्छ
तर सुखको बरन्डामा संगै उभिंदा जिन्दगी हांसोको सदाबहार बन्छ

हारेको लडाईंमा मृत त जितको खुशीयालीमा विजय यात्रा
जिएको मैले, कसैले बांचेको त सबले भोगेको जिन्दगी कहाँ सबलाई समान हुन्छ ?

आँखाको सपनीहरुमा कल्पनाको रहर हुन्छ
सपनाको संसारमा कल्पनाको महल धेरै सुन्दर हुन्छ
तर त्यो महलमा जिन्दगी जिउन सारहै गारहो हुन्छ
जिन्दगी यथार्थ हो, त्यसैले यसको करमा मर्दा मर्दै जिउन झन् सारहो हुन्छ

टुटेपछि सपनाहरु फेरी देख्न गारहो हुन्छ
टुटेका सपनाहरु सोरेर अर्को सपना बुन्न झन् सारहो हुन्छ
कल्पनाको महलमा जिउन जिन्दगी धेरै गारहो हुन्छ
कल्पनाको महलमा जिउन जिन्दगी धेरै गारहो हुन्छ

प्रतिक्रिया

सम्बन्धित सामाग्री

फेसबुक