मंगलबार, कार्तिक ११ २०७७ | Tue, October 27, 2020
नेपालको समय: ०९:४७ | UK Time: 04:02

बेलायतका नेपाली पत्रकारलाई बीबीसी पत्रकारबाट प्रशिक्षण

वीनेपाली
२०७३ माघ २ गते १:३२

लन्डन । नेपाल पत्रकार महासंघ, बेलायतले बेलायतस्थित नेपाली पत्रकारहरुको सीप अभिवृद्धिका लागि एकदिने पत्रकारिता प्रशिक्षण दिएको छ । शनिबार फार्नबोरोस्थित भिलेज होटल क्लबमा बीबीसीका अनुसन्धान पत्रकार पल मायर्स र ब्यारिष्टर देवेन्द्र श्रेष्ठले प्रशिक्षण दिएका हुन् । प्रशिक्षणमा डेढ दर्जन बढि पत्रकार सहभागी भए ।

सन् १९९५ देखि बीबीसीमा आवद्ध पलले पत्रकारहरुले अनुसन्धनात्मक 
रिपोर्टिङ गर्दा अपनाउनुपर्ने तरिका र सूचना लिने उपायबारे र ब्यारिस्टर देवेन्द्र श्रेष्ठले बेलायतको प्रेस ल र कानुनी पक्षबारे प्रिजेन्टेसन दिएका थिए । प्रशिक्षणमा सहभागी पत्रकारहरुले आफ्ना अनुभव साट्दै प्रशिक्षकसंग विभिन्न जिज्ञासा राखेका थिए ।

प्रशिक्षण शुरु हुनु अघि शाखा अध्यक्ष नरेश खपांगीमगरले प्रशिक्षक र सहभागी पत्रकारहरुलाई स्वागत गर्दै शाखाले नेपाली पत्रकारहरुलाई पहिलोपटक अन्तर्राष्ट्रियस्तरको प्रशिक्षण अवसर मिलाएको जनाए । उनले समापनपछि प्रशिक्षकद्वय, प्रायोजकहरु कृष्ण तिमिल्सेना र रवि लामिछाने एवं सहभागी सबैप्रति आभार व्यक्त गरे ।

प्रशिक्षण समापनपछि शाखाका सल्लाहकार नवीन पोखरेलले 
प्रशिक्षकद्वयलाई ढाकाको टोपीले सम्मान गरे भने अर्का सल्लाहकार हरिकुमार गुरुङले पललाई मायाको चिनो स्वरुप खुकुरी प्रदान गरेका थिए ।

तस्विरः शिव भण्डारी

प्रतिक्रिया

सम्बन्धित सामाग्री

फेसबुक