एनआरएनए र प्रज्ञाप्रतिष्ठानबीच साहित्यिक सहकार्यका लागि सहमति

काठमाण्डौं । गैर आवासिय नेपाली संघ र नेपाल प्रज्ञा प्रतिष्ठानबीच साहित्यिक सहकार्यका लागि बिहीबार सहमति पत्रमा हस्ताक्षर भएको छ । एनआरएनएको तर्फबाट अध्यक्ष शेष घले र प्रतिष्ठानको तर्फबाट कुलपति गंगाप्रसाद उप्रेतीले सहमतिपत्रमा हस्ताक्षर गरेका हुन् ।

आगामी ७ औं एनआरएनए विश्व सम्मेलनका अवसरमा वृहत संगोष्ठी गर्ने, नेपाली साहित्यलाई अनुवाद गर्ने, विभिन्न सिर्जना संग्रह प्रकाशन गर्ने, डायस्पोरिक डेस्कलाई ब्यवस्थित गर्ने र दुवै संस्थाका प्रतिनिधिहरु रहने संयोजनकारी समिति निर्माण गर्ने लगायत कुरामा हस्ताक्षर भएको छ । सहमतिपत्रको अवधि २ वर्ष रहनेछ ।

सहमतिको निम्ति घले र सचिवालय निर्देशक राजेश राणालाई नेपाल प्रज्ञा प्रतिष्ठान कमलादी कार्यलयमा निमन्त्रणा गरिएको थियो । सहमतिका निमित्त एनआरएन अन्तर्राष्ट्रिय समन्वय परिषद अन्तर्गतको भाषा तथा साहित्य प्रवद्र्धन उपसमितिका संयोजक विश्वास दीप तिगेलाले भूमिका निर्वाह गरेका थिए ।

यसअघि पूर्व अध्यक्ष जीवा लामिछाने यस कार्यदलसंग सम्बन्धित संयोजक थिए ।