शनिबार, असोज ३ २०७७ | Sat, September 19, 2020
नेपालको समय: ०१:४६ | UK Time: 21:01

लक्ष्मीको हत्याप्रति आदिवासी जनजाति महिला महासंघ बेलायतको भर्तसना

वीनेपाली
२०७३ मंसिर ३० गते २३:५९
13122016053029women_protest_08-1000x0

घट्नाको विरोधमा माइतीघर मण्डलामा उत्रिएका युवती

लन्डन । काभ्रेपलाञ्चोक सानो बाङथली ७ की ३२ वर्षीया लक्ष्मी परियारको कुटपिटपछि हत्या गरिएको भन्ने खबरप्रति आदिवासी जनजाति महिला महासंघ बेलायतले घोर भर्तसना गरेको छ ।

स्थानीय सूर्योदय माध्यमिक विद्यालयका शिक्षक गोदामचौर निवासी हिरा लामा र निजकी आमा काईंली माया लामा लगायतले कुटपिट तथा मलमुत्र खुवाए लगत्तै परियारको हत्या भएको समाचार प्रकाशमा आइरहंदा महासंघको विज्ञप्ति आएको हो ।

महासंघकी अध्यक्ष कमला थापा र महासचिव विमला सेनेले एक विज्ञप्ति प्रकाशित गर्दै अत्यन्त निन्दनीय, संवेदनाहीन र अमानवीय उक्त घट्नाका दोषीलाई कानुनी कठघरामा उभ्याएर कडा कारवाही गरियोस् भन्ने जोडदार माग गरेका छन् । विज्ञप्तिमा पीडित परिवारलाई न्यायोचित र अधिकतम रकम क्षतिपूर्ति उपलव्ध गराउन पनि माग छ ।

विज्ञप्तिमा भर्खरै पाल्पा निवासी नरबहादुर पुलामी मगरको छोरी 
२४ वर्षीया बिनु थापा पुलामी मगर र तनहुं ७ फुर्ङदी पाल्पाका लक्ष्मण बस्यालका छोरा २७ वर्षीय दिपेन्द्र बस्यालबीच बिबाह भएकामा दिपेन्द्रका बाबु लक्ष्मण बस्याल र उनकी आमाले जातीय भेदभावकै कारण आफंू जिउदो रहंदासम्म उक्त बिबाह अस्वीकार गर्ने भनेपछि बिनुको हत्या भएको जनाउंदै लगातार यस किसिमको अक्षम्य एवं निकृष्ट शैलीको रुदीवादी, जातीय भेदभाव, छुवाछुत र महिला हिंसाको घट्नाप्रति घोर भर्तसना गरिएको छ ।

अहिले नेपालमा माथिका जस्ता रुदीवादी, जातीय र लैंगिक विभेदको असर महिलामाथि लगातार पर्न गएको उल्लेख गर्दै विज्ञप्तिमा यस्ता जघन्य अपराध नियन्त्रण गर्न सरकार असफल भएको आक्षेप लगाइ गहिरो क्षोभ समेत प्रकट गरिएको छ ।

प्रतिक्रिया

सम्बन्धित सामाग्री

फेसबुक