एनआरएनए यूकेले वरिष्ठ न्यायधिशहरुसंग अन्तरक्रिया गर्ने

लन्डन । एनआरएनए यूकेले हाल बेलायत भ्रमणमा रहेका वरिष्ठ न्यायधिशहरुसंग अन्तरक्रिया गर्ने भएको छ । यही १३ तारिख मंगलबार 
सांझ ६ बजे गोल्डेनसीप रेष्टुरेन्ट, लन्डन साउथ ह्यारोमा कार्यक्रम गर्न लागिएको
हो । 
यतिखेर सर्वोच्च अदालतका न्यायधिश ओमप्रकाश मिश्र, उच्च अदालत दिपायलका मुख्य न्यायधिश प्रकाशकुमार ढुंगाना, सर्वोच्च अदालतका सह रजिष्ट्रार नहकुल सुवेदी, जिल्ला अदालत रुपन्देहीका न्यायधिश रमेशप्रसाद रिजाल, सर्वोच्चका उप रजिष्ट्रार विश्वराज पौडेल र अफिसर गीता श्रेष्ठ  लन्डनमा छन् ।

एनआरएनए यूके अध्यक्ष मुछेत्र गुरुङले अन्तरक्रियामा सहभागिताका लागि सबैमा अनुरोध गरेका छन् ।

यसैबीच, एनआरएनए यूकेको बैठक आगामी १८ तारिख एम्पायर हलमा बस्ने भएको छ । उक्त बैठकले २६ तारिखका दिन एम्पायर अल्डरसटमा आयोजना हुन लागेको नेपाल हाउस निर्माण सहयोगार्थ च्यारिटीको तयारी र अन्य महत्वपूर्ण प्रस्ताव उपर छलफल हुने जनाइएको छ ।