लन्डन । लन्डनस्थित नेपाली दूतावासमा व्यापार र लगानीबारे एक सेमिनार हुने भएको छ । नेपाली दूतावासको सहकार्यमा ब्रिटेन नेपाल च्याम्बर अफ कमर्स (बीएनसीसी) ले ९ डिसेम्बर
शुक्रबार सांझ सेमिनार गर्ने भएको हो ।
नेपालमा व्यापार र लगानीका सम्भाव्यताबारे कार्यक्रम केन्द्रित हुनेछ ।
बीएनसीसी अध्यक्ष राजन कंडेलका अनुसार, उक्त सेमिनारमा बेलायती विदेश मन्त्रालय (एफसीओ), लन्डन मेयर अफिस लगायत निकायबाट विशिष्ठ व्यक्तित्व सहभागी हुने निश्चित भएको छ । बेलायती र नेपाली व्यवसायी समेत कार्यक्रममा सहभागी हुनेछन् ।
अध्यक्ष कंडेलले बेलायती व्यवसायीलाई नेपालमा लगानी गर्न प्रेरित गर्ने उद्देश्य समेत कार्यक्रमको रहेको बताए । उक्त अवसरमा बीएनसीसीले आफ्ना संरक्षक नवनियुक्त राजदूत डा. दुर्गाबहादुर सुवेदीको स्वागत समेत गर्ने कार्यक्रम छ ।
