सोमबार, कार्तिक १० २०७७ | Mon, October 26, 2020
नेपालको समय: १६:१२ | UK Time: 10:27

द एभरेष्ट इन नेवार्कलाई सक्सेसफूल न्यू बिजनेश अवार्ड

वीनेपाली
२०७३ मंसिर २२ गते २०:४१
1

अवार्ड ग्रहण गर्दै कमल भण्डारी (बायांबाट तेश्रो)

लन्डन । द एभरेष्ट इन नेवार्क रेष्टुरेन्टले सक्सेसफूल न्यू विजनेश अवार्ड प्राप्त गरेको छ । नेवार्क एडभरटाइजर मिडिया ग्रुपले आइतबार नेवार्कमा आयोजित एक विशेष समारोहमा उक्त अवार्ड प्रदान गरेको हो । सञ्चालन भएको एक वर्षमै अवार्ड जित्न सफल उक्त रेष्टुरेन्ट नेपाली तथा इन्डियन खानाका लागि प्रचलित छ ।

रेष्टुरेन्ट सञ्चालक भण्डारी ब्रदर्श ग्रुपका प्रवन्ध निर्देशक कमल 
भण्डारीले अवार्ड प्राप्त गरेपछि आभार व्यक्त गर्दै सफलता पछाडि आफ्ना समस्त ग्राहक, कर्मचारी र शुभचिन्तकहरुको उल्लेख्य योगदान रहेको बताए ।

भण्डारी ब्रदर्श ग्रुपले सञ्चालन गरेका अरु केही रेष्टुरेन्टले पनि बेलायतमा अवार्डसहित सफलता चुमिरहेका छन् । ग्रुपले बेलायतमा हस्पिटालिटी क्षेत्र बाहेक फाइनान्स र रेष्टुरेन्ट सामाग्री सप्लाइ पनि गरिरहेको छ । नेपालमा पनि हाइड्रो र बैंकिंग क्षेत्रमा लगानी छ ।

मिडियामा त्यति आउन नचाहने कमल भण्डारी सन् १९९९ मा यूके आएका हुन् । व्यवसाय अलवा समाजसेवामा पनि उत्तिकै क्रियाशील भण्डारी बेलायतका नेपाली रेष्टुरेन्ट व्यवसायीहरुबाट सञ्चालित गोल्डेन एभरेष्ट ग्रुपका अध्यक्ष समेत हुन् । उक्त ग्रुपले अहिले गोल्डेन एभरेष्ट बियर उत्पादन गरिरहेको छ भने निकट भविष्यमा अरु 
उत्पादन पनि गर्ने जनाइएको छ ।

प्रतिक्रिया

सम्बन्धित सामाग्री

फेसबुक