‘हु इज हु’ प्रकाशनको तयारी

लन्डन । बेलायतमा कार्यरत व्यवसायिक नेपाली पत्रकारहरुको समूहले ‘हु इज हु: नेप्लीज कम्युनिटी लिडर्स इन द युके’ नामक पुस्तक प्रकाशनको तयारी गरेको छ ।

बेलायतमा नेपाली समुदाय बढिरहंदा यहांका प्रभावशाली व्यक्ति र संघसंस्थाबारे चिनारी दिने उद्देश्यले उक्त पुस्तक अंग्रेजी भाषामा प्रकाशन गर्न लागिएको हो । 

 वीनेपालीडटकम लिमिटेडले पहिलोपटक बेलायतको नेपाली डायस्पोराबाट यस खालको पुस्तक प्रकाशन गर्न लागिएको जनाएको छ । ‘यो ऐतिहासिक दस्तावेज हुनेछ ’, प्रकाशोन्मुख पुस्तकका सम्पादक मध्ये एक जना नरेश खपांगीमगरले भने, ‘हामीले जुनसुकै जाती, वर्ग वा क्षेत्रका सामाजिक अभियन्ताहरुलाई समेट्ने सोचेका छौं । तर, छनोटका केही प्रक्रिया भने छन् ।’

 नेपाली समुदायका अगुवाहरुको सामाजिक योगदान उल्लेख्य भएपनि त्यो संग्रहित नभएकाले यस्तो परिकल्पना गरिएको वीनेपालीले 
जनाएको छ ।

 यही डिसेम्बर महिनामा सूचना संकलन गरी नेपाली नयां वर्ष २०१७ मा पुस्तक प्रकाशन गरिने वीनेपालीले जनाएको छ । थप जानकारीका लागि  [email protected] वा 07943 868 512, 07411 558 732, 07578 007 459 मा सम्पर्क गर्न सकिनेछ ।