आइतबार, कार्तिक १६ २०७७ | Sun, November 01, 2020
नेपालको समय: ००:५७ | UK Time: 19:12

दक्षिण कोरियाली राष्ट्रपति विरुद्धको प्रदर्शन छैठौं हप्ता पनि जारी

वीनेपाली
२०७३ मंसिर १८ गते १९:३६
राष्टपतिविरुद्ध विशाल प्रदर्शन । तस्विरः एपी

राष्टपतिविरुद्ध विशाल प्रदर्शन । तस्विरः एपी

सोल (दक्षिण कोरिया), १८ मङ्सिर । दक्षिण कोरियाली राष्ट्रपति पार्क ग्यूज हेको भ्रष्टचार काण्डलाई लिएर विगत छ हप्तादेखि जारी विशाल विरोध सभामा शनिबार पनि लाखौं जनताले सहभागीता जनाए । कोरियालीहरुले प्रदर्शन गरी राष्ट्रपति पार्कलाई पदबाट हटाउने र उहाँमाथि लागेको अनियमितता सम्वन्धी आरोपमा पक्राउ गर्नृुपर्ने मागसहित सहभागिता जनाएका हुन् ।

दक्षिण कोरियाली संसदमा राष्ट्रपति विरुद्ध यहाँका प्रतिपक्षी दलले महाभियोग प्रस्ताव दर्ता गरेपछि महाभियोग प्रस्तावमाथि आगामी शुक्रबार मतदान हुनुभन्दा पहिले भएको प्रदर्शनमा यस पहिलेजस्तै विशाल जनसमर्थन देखिएको हो ।

संसद्बाट प्रस्ताव पारित भएपनि नभएपनि पार्क कोरियाली इतिहासमा प्रजातान्त्रिक रुपमा निर्वाचित पहिलो दक्षिण कोरियाली राष्ट्रपति हुनुहुनेछ जसले आफ्नो पाँच बर्षे कार्यकाल पूरा नगरिकनै विदा हुनुहुनेछ ।

चौसठ्ठी–बर्षीय पार्कले आफ्ना साथीसँग मिलेर राज्यशक्तिको दुरुपयोग र जालसाजी गरेको आरोप लगाइएको छ । उहाँले आफै सत्ताबाट हट्नुहुनेछ वा उहाँलाई पदबाट हटाइने छ भन्ने विषयले विशेष चर्चा पाइरहेको छ ।

शनिबार विहान संसदमा पेश गरिएको अविश्वासको प्रस्ताव संसदमा दर्ता गर्दा १७१ सांसदको हस्ताक्षर छ । महाभियोग प्रस्ताव पासहुन दुईतिहाई सदस्यले पारित गर्नुपर्छ । कोरियाली राष्ट्रिय सभामा ३०० सदस्य रहेका छन् ।

प्रतिक्रिया

सम्बन्धित सामाग्री

फेसबुक