लन्डन । सिनेमा, डान्स र फेसन शो । अचेल बेलायतमा यिनका गतिविधि बढेका छन् । आइतबार बेलायतको चिसो मौसममा हट मोडलहरुले गरेको फेसन शो ले माहोल खुब ततायो । आकर्षण बुटिक कुपन्डोलले प्रायोजन गरेका पहिरन लगाएर व्यवसायिक देखिने ६ जना मोडलहरु रयाम्पमा उत्रिएका थिए ।
मोडलहरु कल्चरल, इभिनिङ, पार्टी ड्रेस र आकर्षक सारीमा प्रस्तुत भए । फेसन शोको कोरियोग्राफी बिना राईले गरेकी थिइन् । कोरियोग्राफर राई आफूले समेत क्याटवाक गरिन् ।
कोरियोग्राफर बिना राई
बेलायतका नेपाली ब्युटीसियनहरुको संस्था प्रोफेशनल ब्युटी असोसिएसन यूकेले अल्डरसटस्थित दि प्यालेसमा फेसन इभेन्ट आयोजना गरेको हो ।
कार्यक्रममा विभिन्न सांस्कृतिक कार्यक्रम समेत गरिएको थियो । आसपास क्षेत्रमा एकैदिन तीनवटा कार्यक्रम जुध्दा पनि दर्शक उल्लेख्य आइदिएर कार्यक्रम सफल भएको आयोजकमध्ये एक माला आल्फोर्ड गुरुङले जनाइन् । कार्यक्रमका सहभागीले फेसन शोबाट नयां अनुभूति भएको बताएका थिए ।
कार्यक्रममा एनआरएनए यूके उपाध्यक्ष शान्ति थापा कुंवर, मिस यूके नेपाल प्रतियोगिताकी आयोजक शान्ति गुरुङ लगायत अतिथीका रुपमा सहभागी थिए ।
तस्विरहरुः अमर राई
