ब्रिटिश गोरखा नेप्लिज कम्युनिटी डार्टफोर्डले मनायो दशैँतिहार

bgnc-dar

लण्डन । ब्रिटिश गोरखा नेप्लिज कम्युनिटी डार्टफोर्डले आफ्ना सदस्यहरुबीच दशैँ तिहार मनाएको छ ।
स्थानीय ग्लेनवर्थ एक्ससर्भिसमेन क्लव, डार्टफोर्डमा शनिबार आयोजना गरिएको सो कार्यक्रमको प्रमुख अतिथि डार्टफोर्ड बरो काउन्सिलका मेयर जोन बरेल थिए भने अतिथिका रुपमा डेपुटी मेयर रोजना करान्स र ट्वीन नुडल्सका संचालक माइकल ताङ आदि उपस्थित थिए ।
कम्युनिटीका अध्यक्ष तिलक राईको अध्यक्षतामा भएको सो कार्यक्रममा सचिव एक गुरुङले हेल्थ एण्ड सेफ्टीका बारेमा जानकारी गराएपछि कार्यक्रम शुरुवात भएको थियो । कार्यक्रममा बोल्दै मेयर बरेलले नेपालीहरुलाई दशैँतिहारको शुभकामना दिएका थिए ।
कार्यक्रममा कम्युनिटीका सदस्यका छोराछोरीहरु भावना जिमी, दीक्षा गुरुङ, रेजिना घले, टेसन गुरुङ, यमी घले, युमिना मगर, आइसा रानालगायतले नृत्य प्रस्तुत गरेका थिए ।
यसैवर्ष, वेष्टमिन्स्टर युनिभर्सिटीबाट बायोमेडिकल साइन्समा स्नातक गरेकी दीपा गुरुङ र नृत्य प्रस्तुत गर्ने कलाकारहरुलाई कम्युनिटीका पूर्व अध्यक्ष तथा सल्लाहकार कुल घले र अध्यक्ष तिलक राईले प्रमाणपत्र वितरण गरेका थिए ।
कार्यक्रममा महिला समितिका संयोजक गंगा गुरुङ, उपसंयोजक हेमा राना गुरुङ, सहायक डिजे दिब्या गुरुङलगायत महिलाहरुको पहलमा देउसीभैलो अघि बढाइएको थियो । डिजेको समेत जिम्मा पाएका कम्युनिटीका कार्यबाहक उपाध्यक्ष/कोषाध्यक्ष भीम गुरुङको गीत संगीत संयोजनमा रम्दै कार्यक्रम समापन गरिएको थियो ।

प्रतिक्रिया

सम्बन्धित सामाग्री