बुधबार, असोज ७ २०७७ | Wed, September 23, 2020
नेपालको समय: ०३:०१ | UK Time: 22:16

लन्डनमा परम्परागत शैलीमै देउसी भैलो खेल्ने तयारी

वीनेपाली
२०७३ कार्तिक ६ गते ०:३८
संस्थाको गत वर्षको देउसी भैलो

संस्थाको गत वर्षको देउसी भैलो

लन्डन । नजिकिंदै गरेको हिन्दूहरूको विशेष पर्व दिपावली २०७३ को अवसरमा नेपलिज ब्रिटिश कम्युनिटी यूकेले लन्डनमा देउसी भैलो खेल्ने भएको छ । नेपाली शैलीमा आफ्नो परम्परा र संस्कृति अनुशरण गर्दै बेलायतबासी नेपालीहरूको घर आंगनमै गई देउसी भैलो खेल्ने कार्यक्रम राखिएको 
कम्युनिटीले जनाएको छ ।

कम्युनिटीले विगत केहि वर्ष देखि विदेशी भूमिमा पनि आफ्नो धर्म, संस्कृति, परम्परा र रितीरिवाजको संरक्षण र विकास गर्ने उद्देश्यले देउसी भैलो खेल्दै आएको छ । यस वर्ष विशेष किसिमले देउसी भैलो खेलिने र सो बाट संकलित रकम नेपालमा सञ्चालित सामाजिक संस्था लक्ष्मी प्रतिष्ठानलाई प्रदान गरिने संस्थाका सचिव मिलन घिमिरेले जानकारी दिए ।

संस्थाको बैठकले कमलराज खनालको संयोजकत्वमा मिलन घिमिरे, राजेन्द्र ओझा, समिर नाथ प्याकुरेल, लेखनाथ घिमिरे, वसन्त नेपाल, चुरामणी रेग्मी, सुमन गुरुङ, सुजाता काफ्ले, अन्जु सिग्देल, राजेन्द्र मानन्धर, किरण अधिकारी सम्मिलित मूल समिति तथा लेखनाथ घिमिरेको संयोजकत्वमा सुमन गुरुङ, सुजाता काफ्ले, अन्जु सिग्देल, राजेन्द्र मानन्धर, किरण अधिकारी रहेको सांस्कृतिक समिति गठन गरेको छ । त्यस्तै कार्यक्रम सल्लाहकारमा कमल पौडेल तथा गंगा बहादुर रानालाई चयन गरिएको छ ।

कम्युनिटीको आसन्न देउसी भैलो टोलीलाई कुल आचार्य, डा. श्याम चन्द, कृष्ण भट्ट, महन्त श्रेष्ठ, कृष्ण तिमल्सिना, राजकुमार त्रिपाठी, खेम पौडेल, उत्तम नेपाल, रवी लामिछाने, महेश कुमार दाहाल, बासु लामिछाने, गोबिन्द घिमिरे, डेबिड गुरुङ, विजन भट्ट, पिपला देवान, बीपी खनाल आदिले आ आफ्नो घरमा आमन्त्रण गरिसकेका छन् ।

प्रतिक्रिया

सम्बन्धित सामाग्री

फेसबुक