सोमबार, असोज १२ २०७७ | Mon, September 28, 2020
नेपालको समय: २०:३५ | UK Time: 15:50

नयां राजदूतले रोकिदिए दूतावासमा बाहिरी कार्यक्रम

वीनेपाली
२०७३ कार्तिक ५ गते १२:५७
बेलायतका लागि नवनियुक्त राजदूत डा. दुर्गाबहादुर सुवेदी

बेलायतका लागि नवनियुक्त राजदूत डा. दुर्गाबहादुर सुवेदी

लन्डन । बेलायतका लागि नवनियुक्त राजदूत डा. दुर्गाबहादुर सुवेदीले दूतावासभित्र बाहिरी संघसंस्थाका कार्यक्रम गर्न बन्द गरिदिएका छन् ।
तय भइसकेका बाहेक अब बाहिरी संघसंस्था वा व्यक्तिले दूतावासमा कार्यक्रम गर्न पाउने छैनन् । ‘दूतावास आफैंले र दूतावाससंग मिलेर गरिने महत्वपूर्ण कार्यक्रम बाहेक बाहिरी कार्यक्रम गर्न नदिने निर्णय भएको छ’, दूतावासका प्रवक्ता एवं उपनियोग प्रमुख शरदराज आरणले वीनेपालीलाई जानकारी दिए । सुरक्षाको दृष्टिकोणले होम अफिसले समेत धेरै गतिविधि नगर्न सचेत गराएपछि दूतावासमा कार्यक्रम नहुने भएको हो ।

नेपाली दूतावास रहेको केन्जिङटन प्यालेस गार्डेन्समा रसियासहित विभिन्न देशका दूतावास छन् ।

आरणले केही संघसंस्थालाईमात्र हल उपलव्ध गराउंदा अरुले आफूप्रति दूतावास पूर्वाग्रही भएको ठान्ने भएर पनि अब पूर्णतः कार्यक्रम गर्न बन्देज गरिने उल्लेख गरे ।
यसअघि पहुंच वालाले च्यारिटी देखि साहित्यिक विमोचन, फिल्म 
प्रदर्शन, नेताको पत्रकार सम्मेलन लगायत साना कार्यक्रम गर्न पनि दूतावास भवनलाई नै रोज्दथे । दूतावासमा कार्यक्रम गर्दा सहभागिता उल्लेख्य हुने र आयोजकको प्रतिष्ठा बढ्ने सोचिन्थ्यो ।

प्रतिक्रिया

सम्बन्धित सामाग्री

फेसबुक