रसमूर टेन के दाैडमा एकहजार सहभागी

rush-2

लन्डन । यूकेमा नेपालीहरुको सबैभन्दा बाक्लो बसोबास रहेको रसमुरमा रसमुर नेपलिज कम्युनिटीको आयोजनामा १० के रन सम्पन्न भएको छ ।
अक्टोबर ९ तारिखका दिन भएको सो दौड अल्डरसटस्थित क्वीन्स एभेन्यू आर्मी फिल्डबाट शुरु भर्ई ग्यारिजन आर्मी स्पोर्टस् स्टेडियममा अन्त्य भएको थियो ।
‘स्वस्थ्य रहौँ, मनोरञ्जनका लागि दौडौँ’ भन्ने नाराका साथ कम्युनिटीले गत वर्षदेखि सो दौड शुरु गरेको हो ।
सो दौड सञ्चालन गर्न रसमुर बोरो काउन्सिल, ब्ल्याक वाटर्स भ्याली रनर्स र नयाँ युवाले सहयोग गरेको छ ।

सो दौडमा सहभागी हुन रसमुरका मात्र नभई अन्य क्षेत्रबाट पनि नेपालीहरु आएका थिए ।
करिब एक हजार सहभागी उक्त दौडमा ९ देखि ७९ वर्ष सम्मकाले भाग लिएका थिए । सो दौडमा म्याथ्यु किंग पहिलो भए भने गत वर्षका विजेता स्कट केनेडी दोस्रो र जेम्स क्वीनलान तेस्रो भए । नेपालीहरुतर्फ सन्तोष राई पहिलो भए । दौडमा स्थानीय मगर संघ, किरात राई यायोख्या र तमुधिँका शाखाहरुले उल्लेख्य सहयोग गरेका थिए । यस्तै स्थानीय क्वीन्स गोर्खा लजिस्टिक रेजिमेण्टको पनि सहयोग थियो ।

दौडमा सहभागी सबैलाई मेडल र टिसर्ट प्रदान गरिएको थियो । कम्युनिटीका अध्यक्ष ओमप्रसाद थापाले स्वस्थ्य रहने बानी बसाल्ने, स्थानीयवासीसित सहकार्य गर्ने र दौडको प्रवेश शुल्कबाट संकलित रकम स्थानीय अपांगहरुका लागि दान गरिने बताए ।
सो दौडको संयोजन मेजर खिमप्रसाद गौचन र सहसंयोजकहरुमा जीव बेल्बासे र वीर बलाल थिए । दौड सफल पार्न महासचिव रन्जिता मल्ल, रिटायर्ड क्याप्टेन बीरबहादुर थापा, रिटायर्ड क्याप्टेन विष्णु श्रेष्ठ, रिटायर्ड क्याप्टेन केशर रानाले मद्दत गरेका थिए ।

प्रतिक्रिया

सम्बन्धित सामाग्री