लन्डन । युरोपमा छायांकन गरिएको राजु शाह निर्देशित नेपाली चलचित्र ‘नमस्ते नेपाल’ लन्डन साउथ ह्यारोमा प्रदर्शन हुने भएको छ । आगामी २३ अक्टोबर आइतबार ह्यारो बरो फुटबल क्लबमा फिल्म प्रदर्शन हुन लागेको आयोजक इनास यूकेले जनाएको छ । रत्न आश्रमको सहयोगार्थ फिल्म प्रदर्शन गर्न लागिएको हो ।
फिल्म प्रदर्शनपछि प्रमोद र संगीतले लाइभ डिजे प्रस्तुत गर्ने जनाइएको छ ।
यसअघि दुई शो प्रदर्शन भइसकेको उक्त मुभी ६ नोभेम्बरमा एडिनबरा, ७ नोभेम्बरमा ग्लास्गो र १३ नोभेम्बरमा रेडिङमा प्रदर्शन गर्ने कार्यक्रम छ ।
युरोपमा खिचिएपनि फिल्मको कथामा नेपालीपन छ । बुद्ध, ढाका टोपी र एभरेष्ट फिल्मले छोएको छ ।
