बेलायतबाट फर्किएकी साराले भेट्टाइन् रुद्र

लन्डन । नायक निखिल उप्रेतीले आफ्नै निर्माणमा बनाउन लागेको नयां चलचित्र ‘रुद्र’ मा साराले अवसर पाएकी छन् । उनी लामो समय लन्डनमा थिइन् । साराले बेलायत छंदा अन्जु पन्त, शर्मिला बर्देवा, नवराज घले 
लगायतको म्यूजिक भिडियोमा अभिनय गरेकी थिइन् ।

‘रुद्र’ मा सारा प्रमुख भूमिकामा देखिनेछन् भने निखिल भिलेन अवतारमा देखिने सोमबार आयोजित पत्रकार सम्मेलनमा जनाइएको छ ।

उक्त चलचित्र रामजी लामिछानेले निर्देशन गर्दैछन् । चलचित्रमा निखिल, सारा, विश्व शर्मा, रोयदीप श्रेष्ठ, जितेन लामा लगायतका कलाकारको अभिनय रहनेछ । सौरभ लामाको छायांकन रहने चलचित्रमा दिनेश सोनाम र निखिलको संगीत, हिमाल केसीको एक्सन, वनिश शाहको सम्पादन रहने निर्माण युनिटले जानकारी दिएको छ ।

चलचित्र जोमसोम, नारायणगढ, कोहलपुरी, कणार्ली लगायतका रमणिय स्थानमा खिचिनेछ ।