सोमबार, कार्तिक १० २०७७ | Mon, October 26, 2020
नेपालको समय: २२:२९ | UK Time: 16:44

विष्णुकुमारीको निधनले यूकेका राप्तीवासीको दशैं खल्लो

वीनेपाली
२०७३ कार्तिक १ गते १:१५

bishnu-kumari-budha-late

लन्डन । लन्डनमा बसोबास गर्ने राप्तीवासीहरुले यो वर्षको दशैं भेटघाट कार्यक्रम रद्द गरी स्वर्गीय विष्णुकुमारी बुढाथोकीको संझनामा शनिबार दीप प्रज्वलन गरी एउटा श्रद्धाञ्जली कार्यक्रम आयोजना गरेका छन् ।

रुकुमकोटरुकुममा जन्मिएर युकेको वाटफोर्ड अस्पतालमा हेल्थ केयर एसिस्ट्याण्टको रुपमा कार्यरत विष्णुकुमारी बुढाथोकी (मेरी क्षेत्री) को यही बुधबार ३९ बर्षको अल्पायुमै निधन भएको थियो । 

 गत ३० सेप्टेम्बर दिउसो अचानक हृदयघात भएपछि उनलाई हेयरफिल्ड अस्पताल लगिएको थियो । अचेत अवस्थामा अस्पताल पुरयाइएकी बुढाथोकीला लाइफ सपोर्ट मेसिनमा राखेर डाक्टरहरुले २-३ पटक मुटुको शल्यक्रिया समेत गरेका थिए । 

 उनकी छोरी प्रियाश्री र छोरा प्रितमप्रतापलाई नेपालबाट बोलाउन रुकुमकोटकै वीरप्रसाद घर्तीमगर र अन्य सहृदयी व्यक्तिहरुले सहयोग गरेका थिए । दशैं टिकाका दिन दुबै छोराछोरी नेपालबाट आइपुगे । तर, त्यसको एक दिनपछि १२ अक्टोबर बिहान उनको निधन भयो ।

 राप्ती समाज युकेका अध्यक्ष हिक्मत सिं रोकामगरले श्रीमती बिष्णुकुमारी बुढाथोकीको असामयिक निधनप्रति दुख व्यक्त गर्दै उनको परिवारलाई सघाउन अपील गरेका छन् । उनको परिवारलाई सघाउन चाहनेहरुले माला घर्तीमगरलाई  07825789615 मा संपर्क गर्न समाजले अनुरोध गरेको छ ।

प्रतिक्रिया

सम्बन्धित सामाग्री

फेसबुक