बिनोभाले लियो गोर्खा भ्याली

14572459_10154562181046197_816596032_o

लन्डन वेम्ली ट्रायङगलमा चालु गोर्खा भ्याली रेष्टुरेन्ट बिनोभा व्यवस्थापनले लिएको छ । स्ट्यान्मोरमा सञ्चालित बिनोभा रेष्टुरेन्ट व्यवस्थापनले १ अक्टोबरदेखि गोर्खा भ्याली किनेको हो ।

रेष्टुरेन्ट व्यवसायमा दशकौं लामो समय बिताएका के बी वैद्यले रेष्टुरेन्ट विक्री गरे पनि उनी सेफको जिम्मेवारीमा कायमै रहनेछन् ।

अब उक्त रेष्टुरेन्ट ‘बिनोभा जिभी’ नाममा रहने सञ्चालकमध्ये एक वी पी खनालले जानकारी दिए । नयां मेनु, लेआउट र व्यवस्थापनमा रेष्टुरेन्ट सञ्चालन गर्ने खनालको योजना छ । उनले बिनोभालाई फ्रेन्चाइज गरेर सन् २०१७ सम्म करिब ७, ८ वटा बनाइने पनि जनाए । रेष्टुरेन्टमा विक्रम जोशीको पनि लगानी छ । बेलायत इयूबाट बारिरिने घोषणा भएसंगै बेलायती अर्थतन्त्र ओरालो लागिरहेपनि आफूहरुको व्यवसायमा खासै असर नपर्ने उनले बताए ।

खनाल, जोशीसहित नरेश शर्मा, डा. अशोक बन्सल र मिलन चाम्सको टिमले बेलायतमा एक करोड ७० लाख रुपैयां लगानीमा ‘हयाप्पी डेज’ नामक फिल्म पनि निर्माण गर्ने घोषणा गरिसकेको छ । प्रियंका कार्की, दयाहाङ राई लगायत कलाकारको लिड रोल हुने उक्त फिल्म दशैं लगत्तै बेलायतमा छायांकन गरिने छ । निर्देशक हुनेछन् मिलन चाम्स ।

डेढ दशकदेखि बेलायत बस्दै आएका खनाल हाल नर्सिङ व्यवसायमा आवद्ध छन् । उनको बिरा केयर होम्स अन्तर्गत वेल्समा १८ र ३३ 
शैयाका दुईवटा नर्सिङ होम चालु छन् भने साउथ वेल्समा ५८ बेडको अर्को लिने प्रक्रिया जारी छ ।

प्रतिक्रिया

सम्बन्धित सामाग्री