मंगलबार, कार्तिक ११ २०७७ | Tue, October 27, 2020
नेपालको समय: ११:२९ | UK Time: 05:44

पर्वको बेला भागदौडमा ५२ को मृत्यु

वीनेपाली
२०७३ असोज १७ गते १६:५८

_91490985_mediaitem91490984

आदिस आबाबा, १७ असोज । इथियोपियामा तीनदिने राष्ट्रिय शोक सोमबारबाट सुरु भएको छ । एक धार्मिक पर्वको क्रममा सरकारविरोधी समूह र प्रहरीबीच भएको झडपमा ५२ जनाको मृत्यु भएपछि सो तीनदिने राष्ट्रिय शोक घोषणा गरिएको राज्यद्वारा नियन्त्रित सञ्चार माध्यमले जनाएको छ ।

सरकारी संस्थाहरुमा राष्ट्रिय झण्डा आधा झुकाउने, नियमित रेडियो कार्यक्रमहरुमा राष्ट्रिय शोकको धुनहरु बजाउने सञ्चार माध्यमहरुले जानकारी दिएको छ ।

राजधानी आदिस आबाबानजिकैको बिसोफ्तु नगरमा ओरोमो समूदायको इरिचा (वर्षात्को मौसम सकिएपछि मनाइने एक स्थानीय पर्व) चलिरहेका बेला सो घटना भएको इथियोपियाली सरकारी सञ्चार माध्यमले जनाएको छ ।

स्थितिलाई नियन्त्रणका लागि प्रहरीले अश्रुग्यास र लाठीचार्जसमेत गरेको बताइएको छ । सो स्थानमा ठूलो सङ्ख्यामा जम्मा भएका व्यक्तिबीच डराएर कराउँदै भागदौड चल्दा उनीहरुको मृत्यु भएको प्रान्तीय सरकारद्वारा जारी विज्ञप्तिमा जनाइएको छ ।

यो हिंसामा गैरजिम्मेबार समूहको हात रहेको क्षेत्रीय सरकारको आरोप छ । घटनास्थलमा गोली प्रहार भएको पनि बताइएको छ ।

प्रतिपक्षी दलका अध्यक्ष मेरेरा गुदिनाका अनुसार यस घटनामा मारिएका भनी सरकारीस्तरबाट भएको पुष्टि भन्दा यर्थाथमा अझ बढी व्यक्तिको मृत्यु भएको छ ।

“सरकारस्तरबाट सङ्कलन भइरहेको शवहरु एक सयभन्दा बढी भएको आफूले प्रत्यक्ष रुपमा देखेको गुदिनाले बताउनुभएको छ ।

प्रतिक्रिया

सम्बन्धित सामाग्री

फेसबुक