शुक्रबार, कार्तिक १४ २०७७ | Fri, October 30, 2020
नेपालको समय: १३:२७ | UK Time: 07:42

अमेरिका रेल दुर्घटनामा कम्तिमा सय जना घाइते

वीनेपाली
२०७३ असोज १३ गते १९:००

hoboken_4-large_transgsao8o78rhmzrdxtlqbjdglvjf5wfpqnbzshrl_tozw

होबोकन (न्युयोर्क), १३ असोज । न्युयोर्कबाट न्युजर्सीका लागि छुटेको रेल बिहीबार बिहान हेबोकनमा दुर्घटनाग्रस्त हुँदा एक सय जनाभन्दा बढी मानिस घाइते भएको अमेरिकी प्रहरीले बताएको छ ।

घाइतेमध्ये केहीको अवस्था गम्भीर रहेको न्युजर्सी रेल स्टेसनका प्रवक्ता जेनिफर नेलसनले बताउनुभयो ।

एक प्रत्यक्षदर्शीका अनुसार एक जना महिला रेल र स्टेसनको पर्खालमा च्यापिएकी र उनको अवस्था गम्भीर रहेको छ । सबै घाइतेलाई उपचारका लागि अस्पताल पठाइएको छ ।

स्थानीय समयअनुसार न्युयोर्कबाट बिहान ८ः४५ बजे भएको उक्त दुर्घटना के कारणबाट भएको भन्नेबारेमा छानबिन सुरु भएको प्रवक्ता नेलसनले बताउनुभयो ।

हेबोकन रेल स्टेसनबाट उक्त घटनापछि सम्पूर्ण रेलसेवा बन्द गरिएको छ ।

प्रतिक्रिया

सम्बन्धित सामाग्री

फेसबुक