मंगलबार, कार्तिक ११ २०७७ | Tue, October 27, 2020
नेपालको समय: १७:११ | UK Time: 11:26

इपिएल क्रिकेटमा जगदम्बा विजयी

वीनेपाली
२०७३ असोज ११ गते १३:००

27092016050713eplt-2-1000x0

काठमाडौँ, ११ असोज । एभरेस्ट प्रिमियर लिग (इपिएल) टी–ट्वान्टी क्रिकेट प्रतियोगिताअन्तर्गत आज भएको खेलमा जगदम्बा राइनोजले कान्तिपुर गोर्खाजलाई पराजित गरयो ।

कीर्तिपुरस्थित त्रिवि क्रिकेट मैदानमा आज भएको खेलमा जगदम्बाले गोर्खाजलाई ११ रनले पराजित गर्दै विजयी भएको हो । टस हारेर पहिले ब्याटिङ गरेको जगदम्बाले निर्धारित २० ओभरमा आठ विकेट गुमाउँदै १२४ रनको योगफल तयार गरयो । एक सय २५ रनको विजय लक्ष्य पच्छाएको कान्तिपुर भने पूरै ओभर खेल्दै आठ विकेटको क्षतिमा ११३ रनमा सीमित रहन पुग्यो ।

जगदम्बाको जितमा सोमपाल कामीले सर्वाधिक ४४ रनको योगदान दिए । तीस बल खेलेका सोमपालले चार छक्काको सहायोगमा ४४ रन जोडेका हुन् । त्यस्तै, सुबेन्दु पाण्डेले २१, हसिम अन्सारीले १८ तथा अमित श्रेष्ठले १६ रन जोडे ।

यसैगरी, कान्तिपुरका ब्याट्सम्यान सन्दीप झोराले ४२ र अनिल शाहले २८ रन जोड्नुबाहेक अन्य ब्याट्सम्यानले दोहोरो अङ्क जोड्न सकेनन् । कान्तिपुरलाई ११३ रनमा समेट्ने क्रममा जगदम्बाका शक्ति गौचन, पवन सर्राफ तथा प्रेम तामाङले समान दुई दुई विकेट लिए भने साह अलाम र सोमपाल कामीले समान एक–एक विकेट लिए ।

प्रतिक्रिया

सम्बन्धित सामाग्री

फेसबुक