बिहीबार, कार्तिक १३ २०७७ | Thu, October 29, 2020
नेपालको समय: १३:५४ | UK Time: 08:09

ऊर्जा सङ्कट हटाउन ‘नेपालको जल नेपालीकै लगानी’ कार्यक्रम

वीनेपाली
२०७३ असोज ८ गते १०:३१
उर्जा मन्त्री जनार्दन शर्मा आदर्श उमावि लायकू भक्तपुरमा शनिबार आयोजना भएको प्रथम सितेरियो सोबुकान खुल्ला राष्ट्रव्यापी कराँते प्रतियोगिताको उद्घाटन कार्यक्रममा भक्तपुर प्रहरी परिसरकी प्रहरी उपरीक्षक किरण बज्राचार्यलाई सम्मान गर्दै । तस्विर ः रमेश गिरी, भक्तपुर, रासस

उर्जा मन्त्री जनार्दन शर्मा आदर्श उमावि लायकू भक्तपुरमा शनिबार आयोजना भएको प्रथम सितेरियो सोबुकान खुल्ला राष्ट्रव्यापी कराँते प्रतियोगिताको उद्घाटन कार्यक्रममा भक्तपुर प्रहरी परिसरकी प्रहरी उपरीक्षक किरण बज्राचार्यलाई सम्मान गर्दै । तस्विर ः रमेश गिरी, भक्तपुर, रासस

भक्तपुर, ८ असोज । ऊर्जा मन्त्रालयले ‘नेपालको जल नेपालीकै लगानी’ भन्ने नाराका साथ नेपालीकै लगानी बढाएर ऊर्जा सङ्कट हटाउने कार्यक्रम अगाडि सारेको छ ।
आदर्श उमावि लायकुमा आज आयोजित प्रथम सितेरियो सोबुकान खुला राष्ट्रव्यापी कराँते प्रतियोगिता २०१६ को उद्घाटन कार्यक्रममा ऊर्जामन्त्री जनार्दन शर्माले सो जानकारी दिनुभएको हो ।
पुनःनिर्माणको काम पनि पूरा गर्न नेपाली खेलाडी अगाडि बढ्नुपर्नेमा जोड दिँदै उहाँले खेलकुदका क्षेत्रमा राजनीति छिर्न नहुनेमा जोड दिनुभयो ।
कार्यक्रममा मध्यपुरका समाजसेवी मदनसुन्दर श्रेष्ठले खेलका माध्यमबाट विश्व सामु नेपालीको पहिचान देखाउन खेलाडी सफल हँुदै गएकाले यस क्षेत्रमा सरकारले लगानी बढाउनुपर्नेमा जोड दिनुभयो ।

कार्यक्रममा महिला बेचबिखन रोक्न उल्लेख्य भूमिका खेलेबापत अमेरिकाबाट सम्मान पाउनुभएका भक्तपुर प्रहरी परिसरका प्रहरी उपरीक्षक किरण वज्राचार्य तथा मध्यपुर थिमिमा भैरवनाच पुनःसंचालन गर्न योगदान पुरयाउने अर्जुन श्रेष्ठ, फुटबल खेलमा योगदान दिने उपेन्द्रमान सिंँह, कराँतेका प्रमुख प्रशिक्षक सञ्जय श्रेष्ठ, मण्डेकाजी श्रेष्ठ र मुकुन्द महर्जनलाई सम्मान गरिएको थियो ।

प्रतियोगितामा काठमाडौँ उपत्यकाका भक्तपुर, ललितपुर र काठमाडौँ, काभ्रेपलाञ्चोक, चितवन, मोरङ सिन्धुली र झापाबाट सहभागी २०० खेलाडीबीच खेल हुँदैछ ।

प्रतिक्रिया

सम्बन्धित सामाग्री

फेसबुक