शनिबार, कार्तिक १५ २०७७ | Sat, October 31, 2020
नेपालको समय: १९:४७ | UK Time: 14:02

मनास्लु पदमार्गको पहिरामा ५ को मृत्यु, १५ घाइतेको उपचार हुँदै

वीनेपाली
२०७३ असोज ६ गते १५:२६
उत्तरी गोरखाको केरौँजा- ९ स्थित उहिया दोभानखण्डमा झरेको पहिरोमा परी घाइते भएकाहरुको बिहीबार काठमाडौँको बयोधा अस्पतालमा उपचार हुँदै । तस्बिर ः रोशन सापकोटा, रासस

उत्तरी गोरखाको केरौँजा- ९ स्थित उहिया दोभानखण्डमा झरेको पहिरोमा परी घाइते भएकाहरुको बिहीबार काठमाडौँको बयोधा अस्पतालमा उपचार हुँदै । तस्बिर ः रोशन सापकोटा, रासस

काठमाडौँ, ६ असोज । मनास्लु पदमार्गको उहिया दोभानखण्डमा झरेको पहिरामा परी घाइते भएकामध्ये १४ जनाको अहिले बल्खुस्थित बयोधा अस्पतालमा उपचार भइरहेको छ ।

अस्पताल ल्याइएका १५ घाइतेमध्ये एक विदेशीको मृत्यु भएको थियो । यसअघि चार जनाको मृत्यु भएको थियो । पहिरामा परी काठमाडौँका दोर्जे लामा र छिरिङ शेर्पा, क्यान नेपाल संस्थामा काम गर्ने ओखलढुङ्गाका रञ्जना बस्नेत र एक स्पेनीको मृत्यु भएको छ ।

घाइतेलाई इजी हेलिकोप्टरले काठमाडौँ ल्याएको थियो । पहिरामा परी १७ जना घाइते भएकामा १५ जना मात्र अस्पताल ल्याइएको थियो । तीमध्ये चार नेपाली छन् भने विदेशीको पहिचान खुलेको छैन । घाइतेमध्ये अधिकांशको टाउको र हातखुट्टामा चोट लागेको उपचारमा संलग्न अस्पतालका हाडजोर्नी विशेषज्ञ डा अभय यादवले राससलाई जानकारी दिनुभयो ।

पर्यटक पथ प्रदर्शक उत्तम राईका अनुसार बिहान करिब ९ बजे मनास्लु पदमार्गमा पर्ने उहिया दोभानमा माथिदेखि पहाड पल्टेर पहिरो झरेको थियो । घटनालगत्तै गाउँलेलाई बोलाएर उद्धार गरिएको उहाँले बताउनुभयो ।

प्रतिक्रिया

सम्बन्धित सामाग्री

फेसबुक