तीन घुम्तीका नायकबाट विद्यालय भवन बनाउन सहयाेग

लण्डन । नेपाली फिल्म `तीन घुम्ती´ का नायक ध्रुब दत्तले भुकम्पले क्षतिग्रस्त नुवाकाेटकाे विद्यालय भवनमा निर्माणको लागि १ लाख सहयोग गरेका छन ।

हाल युकेमा बसाेबासरत दत्तका तर्फबाट गरिएकाे सहयाेग साे चलचित्रका निर्देशक बाबुराम ढकालले हालै काठमाडाैँमा भुकम्प पीडित सहयाेग अभियानका संयाेजक सुश्री सरू सुनारलाइ हस्तान्तरण गरे ।

नुवाकाेट जिल्लाकाे बुधसिङ गाविस वडानम्बर ३ मा रहेकाे अन्रपूर्ण प्राविकाे निर्माणमा साे रकम खर्च गरिने बताइएकाे छ ।

दलित र जनजातिको बाक्लो बसोबास रहेकाे साे भेगमा स्कुल निर्माणका लागि अभियान गरिरहेका चन्द्र सुनारको पहलमा नायक दत्तले साे सहयाेग गरेका हुन् ।

चलचित्र तीन–घुम्तीमा ध्रुव दत्त, गरिमा पन्तकाे विशेष भूमिका रहेको छ। तीन घुम्ती चलचित्र युकेमा प्रदर्शन गर्न सहयोग पुराउने युकेबासी नेपालीहरूलाइ नायक दत्तले धन्यवाद दिएका छन।