आइतबार, कार्तिक ९ २०७७ | Sun, October 25, 2020
नेपालको समय: ०१:३६ | UK Time: 20:51

समाचारप्रति रेडिङ समाजको प्रष्टिकरण

वीनेपाली
२०७३ जेठ ८ गते ११:३६

grnca_logo

लन्डन । ग्रेटर रेडिङ नेपलिज कम्युनिटी एसोसिएसनले आफ्नोबारे वी नेपालीमा प्रकाशित समाचारप्रति स्पष्टिकरण दिएको छ । एक विज्ञप्ति प्रकाशित गर्दै उसले चलायमान सामाजिक संस्थामा विभिन्न कोणबाट कुरा उठाइनुलाई स्वभाविक मान्दै समाचारमा भए जस्तो सत्यता चाहिं नभएको दावी गरेको छ ।
वीनेपालीले ‘ग्रेटर रेडिङ नेपलिज कम्युनिटीमा भांडभैलो’ शीर्षकमा समाचार प्रकाशित गरेको थियो ।

संस्थाका अध्यक्ष मानबहादुर गुरुङ र महासचिव ओमकार अधिकारीले जारी गरेको विज्ञप्तिमा समाचारमा भए जस्तो तीन जनाले राजिनामा दिएको स्वीकार्दै उनीहरुले आफूले काम गर्न नसकेपछि स्वविवेकले राजीनामा दिएको उल्लेख छ । एसोसिएसनले आर्थिक अनियमितता नभएको प्रष्ट्याउंदै १७ औपचारिक बैठकले गरेका निर्णय अनुसार नै काम भएको र कार्यसमिति निर्णय अनुसार नै पुनर्निर्माणका लागि रकम नेपाल पठाइएको जनाएको छ । एम्बुलेन्सको बील नतिरेको भन्ने सम्वन्धमा महासचिवले ढिला जानकारी गराएकाले केही ढिलाइ हुन गएपनि भुक्तानी भइसकेको उल्लेख गरेको छ ।

एसोसिएसनले आज शनिबार वार्षिक साधारणसभा हुन गइरहेको उल्लेख गर्दै सम्पूर्ण सदस्य र कार्यसमितिलाई सभामा सहभागी भएर चित्त नबुझेका आफ्ना कुरा राख्न अनुरोध गरेको छ । एसोसिएसनलाई बदनाम गराउन केही शक्ति लागिरहेको भन्दै संस्थाले त्यस्ता व्यक्तिका पछि नलाग्न पनि आग्रह गरेको छ ।

प्रतिक्रिया

सम्बन्धित सामाग्री

फेसबुक