लन्डन । साउथ इष्ट क्षेत्रीय तमुधिं र नेपाली युथ असोसिएसनको संयुक्त आयोजनामा यही १४ मे का दिन ग्रीनवीच कप फुटबल र भलिबल प्रतियोगिता हुने भएको छ । यो बेलायतमै पहिलोपटक अरु प्रतियोगिताभन्दा भिन्न तरिकाले गरिने आयोजकको दाबी छ ।
उलवीचस्थित रोयल आर्टिलरी ब्यारेकको फुटबल मैदानमा सञ्चालन हुने प्रतियोगितामा २० भन्दा बढि फुटबल टोली र ६ भलिबल टोलीको सहभागिता रहने विशिष्ट संयोजक ह्यारी गुरुङले जानकारी दिए ।
प्रतियोगिताको विजेता टोलीले आकर्षक ट्रफी सहित १५०० पाउण्ड नगद प्राप्त गर्नेछ । रोयल ग्रीनवीच एफसी टिम म्यानेजर दिपेन गुरुङका अनुसार खेलाडीहरुको हौसला बढाउने उद्देश्ले क्वार्टर फाइनलिष्टहरुलाई समेत २०० पाउण्ड पुरस्कार दिइनेछ ।
गत वर्षको खेल मंगोलियन भान्जाले जितेको थियो । भलिबल खेलका संयोजक राजन खकुरेलले आयोजक समितिले भव्य तयारीका साथ काम अगाडि बढाइरहेको जानकारी दिए । ग्रीनवीच कप सकिसके पछि
ग्रीनवीच एफसीको आयोजनामा लोटस क्लबमा म्यूजिक फेस्टिवल पनि हुंदैछ ।
