लमजुङ, १७ फागुन । संस्कृति, पर्यटन तथा नागरिक उड्डयनमन्त्री आनन्दप्रसाद पोखरेलले हवाई सुरक्षाका लागि विश्वमा चलेका प्रविधि प्रयोग गरिने बताउनुभएको छ ।
चौबिसौँ जिल्ला परिषद्को आज उद्घाटन गर्दै उहाँले भन्नुभयो,“मौसमको अवस्था जानकारी गराउन हवाई सुरक्षाका लागि प्रविधि प्रयोगमा कुनै कञ्जुस्याइँ गर्दिन, विश्वमा चलेका प्रविधिको प्रयोग मार्फत सुरक्षित यात्राको व्यवस्था मिलाइन्छु ।”
जिल्ला परिषद्मा स्थानीय विकास अधिकारी शेखर पौडेलले रु तीन अर्ब ५७ करोड ६५ लाख ५७ हजार बजेट प्रस्तुत गर्नुभयो । सोमध्ये रु तीन अर्ब १८ करोड ६० लाख ६९ हजार पुँजीगततर्फ र चालुतर्फ रु २९ करोड चार लाख ८८ हजार विनियोजन गरिएको छ ।
