बिहीबार, माघ ८ २०७७ | Thu, January 21, 2021
नेपालको समय: १८:२० | UK Time: 12:35

ओबामा क्युबा भ्रमण जाने

वीनेपाली
२०७२ फागुन ९ गते १:११
ओबामा । तस्विरः एपी

ओबामा । तस्विरः एपी

वासिङटन (अमेरिका), ८ फागुन । अमेरिकी राष्ट्रपति बाराक ओबामाले शनिबार एक कार्यक्रमबीच बोल्दै आगामी मार्चमा आफू अमेरिकी राष्ट्रपतिका रुपमा क्युबा जाने निर्णय सुनाउनु भएको छ ।

राष्ट्रपति ओबामाले आगामी मार्च २१ र २२ मा क्युबाका लागि हुन लागेको भ्रमण ऐतिहासिक हुने बताउनुभयो ।

यसपूर्व अमेरिकी राष्ट्रपतिका रुपमा क्युबाको भ्रमण सन् १९२८ मा पूर्व राष्ट्रपति कालभिन कुलिजले गर्नुभएको थियो ।

आफ्नो साप्ताहिक रेडियो सम्बोधनमा ओबामाले भन्नुभयो, दाजुभाइ तथा दिदीबहिनी म क्युबा जाने विषय आधिकारिक रुपमा यसैहप्ता निर्णय भएको छ ।

भ्रमण सम्बन्ध विस्तारका लागि नयाँ अध्याय 

क्युबासँगको सम्बन्ध विस्तारका लागि भ्रमण उत्कृष्ट माध्यम हुने र यसले अमेरिकाको आफ्नो छिमेकी राष्ट्र क्युबा र त्यहाँका जनतासँगको आपसी हित तथा मान्यता विस्तारमा सहयोगी रहने राष्ट्रपति ओबामाले बताउनुभयो ।

भ्रमणलाई अमेरिका र अमेरिकी जनताबीच क्युबा र त्यहाँका जनताबीचको सम्बन्धमा विस्तारका नयाँ अध्याय बनाउने निर्णय भएको छ, ओबामाले सन्देशमा बताउनुभयो ।

दुई देशबीचको यसअघि देखिँदै आएका समस्या समाधान गर्न दुवै देशका सरकार, प्रशासन र जनताबीच सम्बन्ध विस्तार गर्नु र अनुभव आदानप्रदान गर्नु नै उत्तम उपाय हुनेछ । यसको सुरुवात मार्चको भ्रमणले गराउने छ ।

क्युबामा परिवर्तन रातारात त हुन सक्दैन तर, भ्रमण क्युबा र क्युबाली जनतालाई परिवर्तनका लागि मौका र स्रोत खुला गर्न सफल रहने छ, राष्ट्रपति ओबामाले भन्नुभयो ।

क्युबासँगको सम्बन्ध सुधारका लागि दुई देशको नेतृत्वबीच हुने वार्ता फलदायी बन्न सक्ने भन्दै आफू राष्ट्रपतिका रुपमा आएपछि नै बताउँदै आउनुभएको थियो ।

सन् २०१५ जुलाईदेखि दुई देशबीचको सम्बन्ध सुधारका प्रयासस्वरुप कूटनीतिक पहलहरु भइरहेको र दुई देशबीचको दूरी कम बनेको छ ।

प्रतिक्रिया

सम्बन्धित सामाग्री

फेसबुक