आइतबार, असोज ४ २०७७ | Sun, September 20, 2020
नेपालको समय: १०:२८ | UK Time: 05:43

हिलिङ्डन गोर्खा नेप्लिज कम्युिनटीमा तेज पुन

वीनेपाली
२०७२ माघ १३ गते १३:५३
तेज पुन मगर

तेज पुन मगर

लन्डन । तेज पुन मगरलाई अध्यक्ष चुन्दै हिलिङ्डन गोर्खा नेप्लिज कम्युनिटीको तेश्रो अधिवेशन शनिवार सम्पन्न भएको छ ।

लन्डन हेजस्थित गोल्स क्लवमा सम्पन्न अधिवेशनले वरिष्ठ उपाध्यक्षमा अम्वर गुरुङ, महिला उपाध्यक्षमा अन्जना गुरुङ, सचिवमा छत्रसिं लिम्वु, कोषाध्यक्षमा शमसेर लिम्बु, सह सचिवमा प्रेमध्वज गुरुङ, सहकोषाध्यक्षमा पूर्ण नेपाली र सदस्यहरुमा चित्रा नेम्वाङ, वालकृष्ण नेपाली, शुक्रराज तामाङ साथै युथ कल्वका अध्यक्ष विशाल गुरुङ सहित ११ सदस्यीय समिति गठन गरेको छ ।

नव निर्वाचित अध्यक्ष पुनले शपथ लिंदै आफनो कार्यकालमा संस्थालाई च्यारिटीमा दर्ता गर्ने, ज्येष्ठ नागरिकहरुलाई अवलोकन भ्रमणमा लैजाने र नेपाली वालवालिकालाई नेपाली भाषाको कक्षा सञ्चालन गर्ने लगायतका कार्य योजना प्रस्तुत गरे ।

गोर्खा च्यानलको वोर्ड आफ डाइरेक्टर तथा नेपाल आदिवासी जनजाति महिला महासंघकी महासचिव विमला लिम्वुको प्रमुख आतिथ्य तथा स्याडो चान्सलर एमपी जोन म्याकडोनेलको विशेष आतिथ्यमा अधिवेशन भएको हो ।

कम्युनिटीका अध्यक्ष सूर्य इप्सङको अध्यक्षतामा भएको उक्त कार्यक्रम पानसमा दीप वालेर उद्घाटन गरिएको थियो । कार्यक्रमको पहिलो सत्रमा सदंस्थालाई सहयोग गर्ने विभिन्न व्यक्तिलाई खादा तथा प्रमाण पत्र द्वारा सम्मान गरिएको थियो ।

मन्तव्यका क्रममा स्याडो चान्सलर एमपी जोन म्याकडोनेलले कम्युनिटीले हालसम्म उत्कृष्ट काम गरिरहेको जनाउंदै यसलाई निरन्तरता दिन आग्रह गरे । उनले नेपाली समुदायले माग गरेको एक्स सर्भिसमेन कल्वका लागि चांडै पहल गर्ने प्रतिवद्धता व्यक्त गरे । उनले हरेक वर्ष हुने हेज कार्निभलमा लगातार तीन पटक विजयी भएकामा वधाई दिंदै गोखालीहरुका लागि सिमेट्री प्राप्त भएकामा खुशी समेत व्यक्त गरेका थिए ।

उनले भूपू गोर्खा आन्दोलन जायज भएको स्वीकार्दै उनीहरुले न्याय पाउनु पर्नेमा जोड दिए । कार्यक्रममा कम्युनिटी फण्ड कोआर्डिनेटर फियोना गिव्स् र हेज टाउन पार्टरनसीपका डेभिड वोरोले कम्युनिटी फण्ड र ट्राफिक फलोबारे जानकारी गराउंदै आफनो क्षेत्रबाट कम्युनिटीलाई के कस्ता सहयोग गर्न सकिन्छ भन्नेबारे जानकारी गराएका थिए ।

कार्यक्रममा कम्युनिटीमा आवद्ध दिवंगत सदस्यहरुको सम्झनामा एक मिनेट मौन धारण गरिएको थियो भने दिवंगत परिवारलाई जनही एक हजार पाउण्ड सहयोग रकम समेत हस्तान्तरण गरियो । अन्जना गुरुङ र तेज पुनले सञ्चालन गरेको 
उद्घाटन सत्रमा कम्युनिटीका कोषाध्यक्ष वाल कुमारले आर्थिक प्रतिवेदन र सचिव तेज पुनले वार्षिक प्रतिवेदन प्रस्तुत गरे । अध्यक्ष सूर्य इप्सङले आफनो कार्यकाल भरि भएका प्रयास तथा गतिविधिहरुवारे जानकारी गराएका थिए ।

कार्यक्रमको दोश्रो सत्रमा निर्वाचन कमिटीका संयोजक भुपा ध्वोज आलेमगरको संयोजनमा नयां कार्य समिति चयन गरिएको थियो ।

12596225_10153402096102773_22886187_n

प्रतिक्रिया

सम्बन्धित सामाग्री

फेसबुक