सोमबार, असोज ५ २०७७ | Mon, September 21, 2020
नेपालको समय: १२:३५ | UK Time: 07:50

तराई मधेस केन्द्रित दलद्वारा बैठक बहिस्कार

वीनेपाली
२०७२ माघ ११ गते १०:२६

काठमाडौँ, ११ माघ । व्यवस्थापिका–संसद्को आजको बैठकको सुरुमा नै नेपालको संविधानको पहिलो संशोधनप्रति असन्तुष्टि जनाउँदै तराई–मधेस केन्द्रित दलका सांसदहरुले विरोध जनाएका छन् ।

आफ्नो आसनबाट उठेर उनीहरुले विरोध जनाएपछि सभामुख ओनसरी घर्तीले सङ्घीय समाजवादी फोरम नेपालका सांसद डा शिवजी यादवलाई बोल्ने समय दिइन् ।  उनले प्रमुख दलको सहमतिमा गरिएको नेपालको संविधानको पहिलो संशोधनले तराई–मधेस माग सम्बोधन गर्न नसक्ने बताए ।

उनले महिला, दलित, आदिवासी, जनजाति, मधेसी, पिछडा वर्गलाई कुनै अधिकार नदिने गरी गरिएको संशोधन आफूहरुलाई स्वीकार्य नभएको धारणा राखे । संविधान संशोधनले तराई–मधेसको माग सम्बोधन गर्न नसक्ने धारणा राख्दै सांसद यादवले प्रमुख तीन दल मुलुकले भोग्नुपरेको कष्टप्रति जिम्मेवार नभएको बताए ।

उनले सङ्घीय समाजवादी फोरम नेपाल, तराई–मधेस लोकतान्त्रिक पार्टी, तराई मधेस सद्भावना पार्टी, थरुहट तराई पार्टीलगायतले सदनको आजको कारबाही बहिस्कार गर्ने बताए ।  यस्तै सङ्घीय सद्भावना पार्टीकी सांसद् डिम्पलकुमारी झाले ठूला दलले बहुमतको बलमा अल्पसङ्ख्यकलाई पेलेको आरोप लगाउँदै बैठक बहिस्कार गर्ने धारणा राखिन् ।

प्रतिक्रिया

सम्बन्धित सामाग्री

फेसबुक