शुक्रबार, असोज ९ २०७७ | Fri, September 25, 2020
नेपालको समय: १५:४९ | UK Time: 11:04

विधान संशोधनमा विकल्पसहित प्रस्ताव ल्याउन काँग्रेस शीर्ष नेताको निर्देशन

वीनेपाली
२०७२ माघ २ गते ०:५५
नेपाली काङ्ग्रेसका सभापति सुशील कोइरालाको निवास महाराजगञ्जमा भएको पार्टीका पदाधिकारी र विधान मस्यौदा समितिको संयुक्त बैठकमा सहभागी नेताहरु । तस्बिरःजीवन भण्डारी, रासस

नेपाली काङ्ग्रेसका सभापति सुशील कोइरालाको निवास महाराजगञ्जमा भएको पार्टीका पदाधिकारी र विधान मस्यौदा समितिको संयुक्त बैठकमा सहभागी नेताहरु । तस्बिरःजीवन भण्डारी, रासस

काठमाडौँ, १ माघ । नेपाली काँग्रेसका शीर्ष नेताले पार्टीको विभिन्न संरचना निर्माण गर्नुभन्दा पहिले आन्तरिक रुपमा विस्तृत छलफल गरी विकल्पसहित प्रस्ताव ल्याउन पार्टीको विधान मस्यौदा समितिलाई आग्रह गरेका छन् ।

सभापति सुशील कोइरालाको निवास महाराजगञ्जमा बसेको पार्टी पदाधिकारी र विधान मस्यौदा समितिको आज बसेको संयुक्त बैठकले पार्टीको तल्लो तहसम्म छलफल गरेरमात्रै विधान संशोधन आवश्यक निर्णय लिनु उपयुक्त हुने निष्कर्ष निकालेको हो ।

गाउँ, नगर, क्षेत्र, जिल्ला तहमा भने हालको संरचना नै कायम गरेर जाने सहमति भने यसअघि नै भएको छ । तर प्रदेश र केन्द्रमा भने कस्तो संरचना बनाउने भन्नेमा भने थप छलफलको आवश्यकता देखिएको सङ्गठन विभाग प्रमुख आनन्दप्रसाद ढुङ्गानाले जानकारी दिनुभयो ।

उहाँले बैठकमा केही नेताले सबै तहमा निर्वाचित हुने व्यवस्था गर्दा जायज हुने धारणा राख्नुभएको भए पनि अन्तिम निष्कर्ष नआएको र सघन छलफल गर्नुपर्नेमा मतैक्य देखिएको बताउनुभयो ।

तर केन्द्रीय सदस्य बालकृष्ण खाँडले भने पार्टीको गाउँ तथा नगर, क्षेत्र, जिल्ला, प्रदेश र केन्द्रीय समितिको निर्वाचन गर्नुपर्नेमा जोड दिइएको बताउनुभयो ।

राज्यको नयाँ संरचनाअनुसार अब बन्ने प्रदेश राजनीतिको महत्वपूर्ण केन्द्र हुने भन्दै त्यसमा तत्काल निर्णय लिनुपर्नेमा जोड दिइएको उहाँको भनाइ छ ।

सङ्गठन विभाग प्रमुख ढुङ्गाना भने व्यापक छलफल गरेर विभिन्न विकल्पसहितको खाका ल्याउन शीर्ष नेतृत्वले निर्देशन दिएको उल्लेख गर्नुभयो । बैठकमा महामन्त्री कृष्णप्रसाद सिटौलाबाहेक सबै पदाधिकारी र विधान मस्यौदा समितिका सदस्य सहभागी हुनहुन्थ्यो ।

प्रतिक्रिया

सम्बन्धित सामाग्री

फेसबुक