
सरकार र थारुवान समितिबीचको वार्ता सकारात्मक
काठमाडौँ, २३ पुस । सरकार र थरुहट थारुवान संयुक्त सङ्घर्ष समितिबीच आज बेलुका भएको वार्ता सकारात्मक रुपमा अघि बढेको छ ।
वार्तामा पहिचानका आधारमा थारुवान प्रदेश हुनुपर्ने र टीकापुर घटनामा गिरफ्तारी भएकाहरुको मुद्दा फिर्ता लिनुपर्नेबारेमा समितिले माग गरेको थारु राष्ट्रियमुक्ति मोर्चाका नेता दुर्गाबहादुर थारुले बताउनुभयो ।
समितिले थारुको राष्ट्रिय पर्व माघी अगाडि नै आन्दोलनका क्रममा गिरफ्तार भएका र मुद्दा लगाइएका थारुवान नेता कार्यकर्तालाई रिहाइ गर्न गरेको मागप्रति प्रधानमन्त्री केपी शर्मा ओली सकारात्मक हुँदै त्यस सम्बन्धमा कानुन हेरेर निर्णय लिइने बताउनुभएको उहाँले जानकारी दिनुभयो ।
समितिका नेताहरुले टीकापुर घटनापछि थारुका घर र पसलमा भएको आगजनीको क्षतिपूर्तिका लागि समेत सरकारसँग माग गर्नुभयो । समितिले तराईमा थारु बाहुल्य जिल्लाहरु नटुक्रिने गरी प्रदेशको सीमाङ्कन हुनुपर्ने माग गरेको थियो ।
प्रधानमन्त्री निवास बालुवाटारमा भएको वार्तामा सरकारका तर्फबाट प्रधानमन्त्री ओलीका साथै गृहमन्त्री शक्तिबहादुर बस्नेत तथा समितिका तर्फबाट संयोजक धनीराम चौधरी तथा अन्य नेता र नेत्री तेजुलाल चौधरी, रुक्मिणी चौधरी लगायत सहभागी हुनुहुन्थ्यो ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई
- बेलायत र युरोपियन युनियनबीच सहमति