काठमाडौँ, २३ पुस । सरकार र थारुवान सङ्घर्ष समितिबीच आजदेखि वार्ता हुने भएको छ ।
सरकार र संयुक्त लोकतान्त्रिक मधेसी मोर्चासँग कार्यदलस्तरमा वार्ता जारी रहेका बेला आज साँझ प्रधानमन्त्री निवास बालुवाटारमा थारुवानसँग अनौपचारिक वार्ता हुने प्रधानमन्त्रीका प्रेस सल्लाहकार प्रमोद दाहालले जानकारी दिए ।
व्यवस्थापिका–संसद्मा प्रस्तुत संविधान संशोधनको विधेयकका विषयवस्तु (सङ्घीयता, समावेशीकरण, समानुपातिक निर्वाचन प्रणाली) मा सहमति जुटाउन सरकार र आन्दोलनरत पक्षबीच निरन्तर वार्ता हुँदै आएको छ ।
