काठमाडाँै, १४ पुस । चौबिसैँ घन्टा खोज्ने भनिएको पर्यटकीय ठमेल बजार भौतिक पूर्वाधार कमजोर भएको कारण तत्काल नखुल्ने भएको छ ।
ठमेल पर्यटन विकास परिषद्का अध्यक्ष रामशरण थपलियाले जिल्ला प्रशासन कार्यालय काठमाडौँले भौतिक पूर्वाधार नपुगेकाले तत्कालका लागि २४ घन्टा बजार खोल्नका स्वीकृति नदिएको जानकारी दिए ।
ठमेलमा सडक, सिसी टिभी क्यामेरा जडान र सोलारको जडानलगायतका भौतिक पूर्वाधार निर्माण कार्य पूर्ण भएपछि मात्र ठमेल २४ घन्टा खुला गर्न हुने बताइएको छ ।
उनका अनुसार नयाँ वर्ष २०१६ मा भने ठमेल बिहान ४ बजेसम्मका लागि खोलिने भएको छ । त्यसका लागि विशेष कार्यक्रमको पनि तयारी भइरहेको बताए ।
विशेष कार्यक्रमको उद्घाटन पर्यटन मन्त्रीबाट हुने र विभिन्न सांस्कृतिक कार्यक्रम र डिजे रहने व्यवस्था गरिएको आयोजकले जनाएको छ । नयाँ वर्षको विशेष कार्यक्रम साँझ ४ बजेबाट सुरु हुने छ । त्यस दिन १८ वर्षभन्दा कम उमेरका युवालाई प्रवेश निषेध गरिने आयोजकले जानकारी दिएको छ ।
