बिहीबार, असोज ८ २०७७ | Thu, September 24, 2020
नेपालको समय: १७:१८ | UK Time: 12:33

ब्रिटिश संसदमा नेपाली युवाले जिते अन्तर्राष्ट्रिय अवार्ड

वीनेपाली
२०७२ मंसिर २५ गते ९:५९

12366997_1197156266980541_1486134882_n

लन्डन । वित्तिय साक्षरतामा उत्कृष्ट काम गरेवापत एक नेपाली युवाले नेदरल्याण्डको चाइल्ड एण्ड युथ फाइनान्स इन्टरनेशनलले प्रदान गर्ने ‘युथ फाइनान्सियल एजुकेशन अवेरनेस अवार्ड’ प्राप्त गरेका छन् । दोलखा स्थायी निवासी २५ वर्षीया प्रकाश कोइरालाले फाइनलिष्टमा साउदी अरेविया र प्रागका प्रतिष्पर्धीलाई उछिनेर उक्त अवार्ड जितेका हुन् ।

ब्रिटिश संसदको माथिल्लो सदन ‘हाउस अफ लर्डस्’ मा बिहीबार आयोजित समारोहमा ब्यारोनेस होवार्थ अफ ब्रेकल्याण्ड भेलेरी होवार्थले उक्त अवार्ड प्रदान गरेकी थिइन् ।

विश्वभरबाट परेका हजारौं आवेदनमध्येबाट आफू छानिएको कोइरालाले जनाए । निर्णायक मण्डलमा यूनिसेफ, विश्व बैंक पदाधिकारी र सांसदहरु संलग्न थिए ।

अर्थ फाउण्डेशनका सहसचिव कोइरालाले नेपालमा कलेज, क्लबका माध्यमबाट विद्यार्थीहरु र समुदायमा गएर मनी म्यानेजमेन्ट अर्थात वित्तिय साक्षरताबारे निशुल्क पढाउंदै आएका छन् । गोल्डेन गेटबाट अर्थशास्त्रमा स्नातकोत्तर गर्ने तयारी गरिरहेका उनले पैसा कसरी कमाउने, कसरी वचत गर्ने, इन्सुरेन्स आदिबारे जनचेतना जगाउने गरेको बताए ।

उनले यो वर्ष राष्ट्र बैंकले आयोजना गरेको ग्लोवल मनी वीकमा समेत संलग्न भएर प्रशंसा पत्र पाएका थिए । भविष्यमा भर्चुअल बैंकिङ लाइब्रेरी खोल्ने उद्देश्य छ उनको ।

12364165_1197167166979451_179509900_o

प्रतिक्रिया

सम्बन्धित सामाग्री

फेसबुक