बुधबार, असोज १४ २०७७ | Wed, September 30, 2020
नेपालको समय: ०६:५७ | UK Time: 02:12

बेलायती राजपरिवारमा राजकुमारीको जन्म

वीनेपाली
२०७२ वैशाख १९ गते १६:५६
राजकुमारीको अागमनबारे बकिँघम प्यालेस् बाहिर राखिएको सूचना । तस्वीर बीबीसी

राजकुमारीको अागमनबारे बकिँघम प्यालेस् बाहिर राखिएको सूचना । तस्वीर बीबीसी

लण्डन । बेलायतको राजपरिवारमा नवराजकुमारीको जन्म भएको छ ।
प्रिन्स विलियम्स र डचेज अफ क्याम्ब्रिज केटको दोस्रो सन्तानका रुपमा आज बिहान ८ बजेर ३४ मिनेटमा लण्डनस्थित सेन्ट मेरिज अस्पतालमा नयाँ राजकुमारीको जन्म भएको हो ।
बीबीसीका अनुसार अहिले अधिराजकुमारी केट र राजकुमारीको स्वास्थ्य अवस्था सामान्य छ ।
डचेज अफ क्याम्ब्रिजलाई आज बिहान ६ बजे अस्पताल भर्ना गरिएको थियो । नव राजकुमारीको तौल ३.७ किलोग्राम रहेको छ ।
राजकुमारी बेलायतको राजपरिवारमा चौथो मर्यादाक्रममा रहेकी छिन् ।  उनको नाम केही दिनमै राखिने बताइएको छ ।
राजकुमारीको आगमनपछि बेलायती राजपरिवारमा खुशी छाएको छ ।
बेलायती महारानी, ड्युक अफ एडिनवरा, प्रिन्स चार्ल्स, डचेज अफ कोर्नवाल, प्रिन्स हृयारी सबै सो खबरले हर्षित भएको केनजिंगटन प्यालेसलाई उद्धृत गर्दै बीबीसीले जनाएको छ ।
उता प्रधानमन्त्री डेभिड क्यामरुन, उपप्रधानमन्त्री निक क्लेग तथा विपक्षी लेबोर पार्टीका नेता एड मिलिब्याण्डले राजकुमारीको जन्म भएकोमा प्रिन्स विलियम र केटलाई बधाई दिएका छन् ।
सर्वसाधारणहरु नवजात राजकुमारीलाई हेर्न सेन्ट मेरिज अस्पताल र बकिंघम प्यालेस बाहिर जम्मा भएका छन् ।

प्रतिक्रिया

सम्बन्धित सामाग्री

फेसबुक