आइतबार, असोज ४ २०७७ | Sun, September 20, 2020
नेपालको समय: ०५:५५ | UK Time: 01:10

बेलायत आउंदैछन् चर्चित नेपाली कलाकार

वीनेपाली
२०७१ चैत २१ गते ०:२१

11117844_919560458066491_1553547841_n

लन्डन । बेलायतका विभिन्न शहरमा हुन गइरहेको नववर्ष शुभकामना सांझ २०७२ का लागि चल्तीका कलाकार बेलायत आउने भएका छन् । युवा पुस्तामाझ लोकप्रिय कलाकारहरु नायिका प्रियंका कार्की, गायिका अन्जु पन्त र आधुनिक एवं लोकगायक शिव परियार यूके आउन लागेका हुन् । कार्यक्रम आयोजकमध्ये एक वीरेन खड्काले तीनै जना कलाकारको भिसा लागिसकेकाले उनीहरु अप्रिल अन्तिम साता लन्डन उत्रने जानकारी दिए ।

वीरेन खड्का, गणेश गुरुङ र जीवन अधिकारीको संयुक्त पहलमा कार्यक्रम हुन लागेको हो । खड्का सम्मिलित गत वर्षको मह यात्रा बेलायतमा अत्यधिक रुचाइएको थियो । ‘हामीले दर्शकहरुलाई भरपुर मनोरञ्जन दिन चर्चित कलाकार ल्याउने निर्णय गरेका हौं’, खड्काले भने, ‘आजकल प्राय शो मुनाफा केन्द्रित भइरहेका र पहिले भनिएका कलाकार नआउने परिपाटीबीच हामी उत्कृष्ट शो दिन लागिरहेका छौं ।’

नववर्ष शुभकामना सांझको पहिलो शो आगामी २ मेमा अल्डरसटस्थित प्रिन्सेस् हलमा हुने तय भएको छ । दोश्रो शो ऊलवीचको न्यू वाइन चर्च हलमा ३ मेमा हुंदैछ । त्यसैगरि, ग्रीनफोर्ड टाउन हलमा ९ मे र अन्तिम शो फोकस्टोन केन्टमा १० मे मा हुने आयोजकले जनाएका छन् ।

प्रतिक्रिया

सम्बन्धित सामाग्री

फेसबुक