मंगलबार, मंसिर १६ २०७७ | Tue, December 01, 2020
नेपालको समय: ०५:२० | UK Time: 23:35

साउथ लन्डन कलेजको लाइसेन्स खारेज नगर्न आदेश

वीनेपाली
२०७१ फागुन १ गते ०:०२

south_london_college
लन्डन । नेपाली व्यवस्थापनमा सञ्चालित साउथ लण्डन कलेजको लाइसेन्स खारेज गर्ने यूके भिजा एण्ड इमिग्रेसन्स् (यूकेभिआइ) को निर्णय लागू नगर्न उच्च अदालतले आदेश दिएको छ ।

अदालतले बिहीबार कलेजको लाइसेन्स खारेजीको निर्णय स्थगित गर्न यूकेभिआइका नाममा आदेश जारी गरेको हो । हाई कोर्टकी न्यायधिश एलिजावेथ लेइङ डिबीईले जारी गरेको आदेशमा कलेजमा अध्ययनरत सबै अन्तर्राष्ट्रिय विद्यार्थीले आफ्नो पढाइलाई निरन्तरता दिन पाउने उल्लेख गरिएको कलेजले एक विज्ञप्तिमार्फत जनाएको छ । विद्यार्थीले यसअघि प्राप्त गरेको भिजा यूकेभिआइले रद्द समेत गर्न नपाउने स्पष्ट पारिएको छ । कलेजले गत महिना हाई कोर्टमा मुद्दा दायर गरेको थियो ।

हाई कोर्टले ‘स्टे अर्डर’ जारी गरेपछि कलेज अब नियमित सुचारु हुने व्यवस्थापनले जनाएको छ ।

कलेज सुचारु हुने भएपछि त्यहां अध्ययनरत सयौं नेपाली विद्यार्थी लाभान्वित हुने अपेक्षा छ । यसअघि ६० दिनभित्र अर्को कलेज भर्ना हुन वा स्वदेश फर्कन यूकेभिआइले पत्र काटेको थियो ।

अदालतको निर्णयलाई कलेजले स्वागत गरेको छ । कलेजका कार्यकारी निर्देशक 
राजन कंडेलले भने, ‘हाई कोर्टको प्रारम्भिक आदेशबाट हामी खुशी छौं, आशा छ अदालतले पुरै न्याय दिलाउनेछ ।’ उनले पूर्ण रुपमा कलेजको हाइली ट्रस्टेड लाइसेन्स फिर्ता गराउने प्रक्रिया अब थप सजिलो भएको भन्दै आफूहरु त्यसैमा केन्द्रित हुने बताए ।

प्रतिक्रिया

सम्बन्धित सामाग्री

फेसबुक