बुधबार, असोज १४ २०७७ | Wed, September 30, 2020
नेपालको समय: ०५:३६ | UK Time: 00:51

तेश्रो मिस्टर यूके नेपाल १९ जुलाईमा, ज्यान हुनेलाई अवसर

वीनेपाली
२०७१ माघ १२ गते १६:०७
तस्विरः विसन गुरुङ

तस्विरः विसन गुरुङ

लन्डन । यूके नेपाल फेडेरेसन अफ बडी बिल्डिङ एण्ड फिटनेशले तेश्रो मिस्टर यूके नेपाल च्याम्यिनसीप यस वर्ष १९ जुलाई २०१५ मा गर्ने निर्णय गरेको छ ।
फेडेरेसनको दोश्रो कार्यसमितिको आइतबार गोर्खा प्यालेस् रेष्टुरेन्ट 
फार्नबोरोमा सम्पन्न पहिलो बैठकले उक्त निर्णय गरेको हो । सामुयल कोडी स्पोर्टस् कलेज हल, फार्नबोरोमा अपरान्ह ५ देखि ९ बजेसम्म प्रतियोगिता हुने तय भएको छ ।

बैठकले तीन पटकसम्मका विजेता मिस्टर नेपाल सानु गुरुङलाई नै प्रमुख अतिथिका रुपमा बोलाउने सहमति गरेको छ । प्रत्येक वर्ष बेलायत आएका उनी यसपटक २ मेमा लन्डन आउनेछन् । निष्पक्ष निर्णयका लागि निर्णायकमा यसवर्ष पनि बेलायती नै राखिनेछ ।

बैठकले आवेदन फाराम १९ मेसम्म खुल्ला गर्ने निर्णय गरेको जनाउंदै फेडेरेसनका अध्यक्ष भीम गुरुङले हालसम्म ११ जनाले प्रतियोगिताका लागि नाम दर्ता 
गराइसकेको जनाए । नेपाली बडी बिल्डर्सलाई अवसर दिन यस्तो प्रतियोगिता गरिएको उनले प्रष्ट्याए । धेरै निवेदन आए अण्डर ४५ र ४५ वर्ष माथि गरि दुई क्याटगोरिजमा प्रतिष्पर्धा गराउने संस्थाको सोच छ ।

मिस्टर यूके नेपाल हुनेले नगद पुरस्कार एकहजार पाउण्ड, मेडल, ट्रफी र सर्टिफिकेट पाउनेछ भने फष्ट रनरअपले पांच सय पाउण्ड नगद, मेडल ट्रफी र सर्टिफिकेट तथा सेकेन्ड रनरअपले तीनसय पाउण्ड नगद, मेडल, ट्रफी र सर्टिफिकेट प्राप्त गर्ने संस्थाले जनाएको छ । प्रतियोगितामा वेष्ट पोजर छनोट समेत गरिनेछ ।

बैठकले च्याम्पियनसीप सफल बनाउन विभिन्न व्यक्तिलाई जिम्मेवारी बांडफांड समेत गरेको छ । उक्त बैठक सुक गुरुङले सञ्चालन गरेका थिए ।

प्रतिक्रिया

सम्बन्धित सामाग्री

फेसबुक