शुक्रबार, मंसिर १२ २०७७ | Fri, November 27, 2020
नेपालको समय: १०:५८ | UK Time: 05:13

तेक्वान्दो ‘क्वीन’ सियना लिम्बुलाई एनअारएनए युकेकाे सम्मान

वीनेपाली
२०७१ माघ ५ गते २१:५०

siena samman 1
लण्डन । गैर आवासीय नेपाली संघ युकेले तेक्वान्दोको कमनवेल्थस्तरीय गेममा स्वर्ण पदक विजेता सियना लिङदेन लिम्बुलाई सम्मान गरेको छ ।

साउथ ह्यारोस्थित गोल्डेन सिप रेस्टुरेण्टमा आयोजना गरिएको सम्मान कार्यक्रममा एनअारएनए युकेका अध्यक्ष महेन्द्र कंडेल र सचिव अर्जुन कटवालले खादा लगाएर लिम्बुलाई सम्मान गरे ।

एनअारएनए युकेका महासचिव आर. के. त्रिपाठी सानो उमेरमा नै नेपाल तथा बेलायतको नाम उच्च राख्न सफल भएकोमा सियनाको सम्मान गरिएको बताए ।

कार्यक्रममा एनअारएनए अाइसिसीको निर्णय सकारात्मक भएको र विशेष साधारण सभाले अनुमोदन गर्ने भने पनि पद हस्तान्तरण र बुझबुझारथमा सबैपक्ष एकजुट भएर लाग्न पर्नेमा जोड दिइएको थियो । 
एनअारएनए युकेका सदस्य ललित नेउपानेले कार्यक्रममा स्वागत मन्तब्य दिएका थिए भने नेपाल बिद्यार्थी संघ यूकेका का. बा. सभापति कुश बस्नेतले खेलकूदको विकासमा नेपालीहरुले बेलायतमा गरेको प्रगति सराहनिय भएको बताए ।
अन्तर्रास्ट्रिय तेक्वान्दो नेपाली महासंघको तर्फबाट डा. एन जे गुरुंग (ग्रान्ड मास्टर) ले खेलकूदको महत्वमाथि प्रकाश पारेका थिए । यति नेपाली एसोसिएशनका सभापति उमेश मोक्तानले नेपाली छोरीले नेपाल र बेलायतको नाम राखेको बताएका थिए ।
कार्यक्रममा केशब पुडासैनी र सनत गुरुंगले पनि सम्बोधन गरेका थिए ।

एनअारएनए युकेका उपाध्यक्ष सूर्य नेम्वाङ्ले धन्यबाद दिंदै एनअारएन युकेको समस्या छिट्टै नै समाधान हुने अाश्वासन दिए । 
कार्यक्रममा हरि गुरुंग, राजकुमार चौलागाइँ, जीवन सेन, जीवन अधिकारी, मणिशंकर सुनुवार, थान लिम्बु, जयंत थापा र  तेक्वान्दोका प्रशिक्षार्थीहरुको उपस्थिति रहेको थियो ।

एनअारएनए युकेका कोषाध्यक्ष ठाकुर शर्मा र अध्यक्ष महेन्द्र कंडेलले सयुक्त रूपमा सियनालाई आर्थिक उपहार पनि हस्तान्तरण गरे । 
कार्यक्रममा अध्यक्ष कंडेलले सियना लिम्बुको उत्तरोत्तर प्रगतिको कामना गर्दै अामा बुबालाई समेत बधाई दिएका थिए । एनअारएनए युकेले युवाहरुलाई प्रोत्साहनका यस्ता कार्यक्रमहरु गर्दै जाने बताउँदै उनले एनअारएनए अाइसिसीले तोकेको समयमा नै फाराम र र उमेद्बारी दस्तूर बुझाउने प्रतिबद्दता ब्यक्त गरे ।

उनले विशेष साधारणसभामा सबै प्रक्रिया पुर्याइ कार्यभार हस्तान्तरण हुनेमा बिस्वस्त हुन समेत अनुरोध गरे । 

प्रतिक्रिया

सम्बन्धित सामाग्री

फेसबुक