बीबीसी नेपाली सेवाका पहिलो प्रस्तोता अग्रवाल विरामी

लन्डन । बीबीसी नेपाली सेवाका पहिलो प्रस्तोता पुरन अग्रवाल अस्वस्थताका कारण अस्पताल भर्ना भएका छन् । किड्नी र पिसाव सम्वन्धि रोगका कारण अग्रवाल गत बिहीबारदेखि बेलफास्टस्थित म्याटर हस्पिटलमा उपचार गराइरहेको स्थानीय क्विन्स् युनिभर्सिटीमा फ्रिडम अफ एक्सप्रेसनमा पिएचडी गरिरहेका नारायण कंडेलले जनाए । नेपाल पत्रकार महासंघ, धौलागिरीका पूर्व अध्यक्ष समेत रहेका कंडेलले अग्रवालको मुटुमा समेत समस्या भएकाले आगामी सप्ताहन्तसम्म अस्पतालमै 
बस्नुपर्ने सम्भावना चिकित्सकले व्यक्त गरेको बताए ।

सन् १९६९, जुन ७ देखि शुरु भएको बीबीसी नेपाली सेवामा अग्रवाल विद्यार्थी छंदै पहिलो प्रस्तोता भएका थिए । शुरुवाततिर बेलायत अध्ययन गर्न आएका विद्यार्थीले बीबीसी नेपाली सेवा सञ्चालन गर्ने गर्दथे । शुरुमा बीबीसी नेपाली सेवाले साप्ताहिक कार्यक्रम दिने गरे पनि सन् १९७० को अन्त्यदेखि सातामा पांच दिन कार्यक्रम प्रसारण हुन थालेको थियो ।

वीनेपाली परिवार अग्रवालको शीघ्र स्वास्थलाभको कामना गर्दछ ।