आइतबार, असोज ४ २०७७ | Sun, September 20, 2020
नेपालको समय: ०७:३६ | UK Time: 02:51

केन्द्रिय अध्यक्ष घलेलाई रिझाउन रात्रीभोज?

वीनेपाली
२०७१ पुष १८ गते १७:०७
10862612_10152952729518088_1413494231880315759_o

यहीं हुंदैछ रात्रीभोज । तस्विरः प्रवेश क्षेत्री

लन्डन । तमुधिं यूकेको ल्होछार कार्यक्रममा सहभागी हुन बेलायत आएका गैर आवासीय नेपाली संघ, अन्तर्राष्ट्रिय समन्वय परिषद (एनआरएनए आइसीसी) अध्यक्ष शेष घलेलाई आज शुक्रवार सांझ रात्रीभोज दिइंदैछ । गैर आवासीय नेपाली, संघ बेलायत अन्तर्गत योगेन्द्रबहादुर क्षेत्री समूहले आफू निकटको उल्लेख्य उपस्थितिमा तमुधिं, यूकेको आफ्नै भवन मिचेटमा रिसेप्सन राखेको हो । डिनर कार्यक्रमको मास्टर माइन्ड अध्यक्ष घले निकट ठानिने एनआरएनए आइसीसी सल्लाहकार डमर घलेले गरेका हुन् ।

केन्द्रिय अध्यक्षको सम्मानमा आयोजित रात्रीभोजमा आफूहरुलाई भने औपचारिक निम्तो नआएको अध्यक्ष महेन्द्र कंडेलले जनाएका छन् । ‘केन्द्रिय अध्यक्षको सम्मान गर्नु हामी सबैको दायित्व हो’, उनले भने, ‘तर, कार्यसमितिका साथीहरु कसैलाई थाहै नदिई घरमा जन्मदिन मनाए जस्तो हतार हतार कार्यक्रम 
राख्दा साथीहरुको अपरिपक्वता छर्लंग देखिएको छ ।’ कंडेलले अध्यक्ष जस्तो व्यक्तिलाई कुनै एक पक्षले बोक्दा बाहिर सकारात्मक सन्देश नजाने समेत 
बताए ।

एनआरएनए यूके विवाद छानवीन गर्न केन्द्रबाट गठित समितिले डिसेम्बर तेश्रो साता सम्वन्धित व्यक्तिहरुसंग सुझाव संकलन गरि प्रतिवेदन बुझाउनै लाग्दा एउटा समूहले रात्रीभोज गर्नुलाई कतिपयले अध्यक्ष घलेलाई रिझाउन गरिएको बुझेका छन् । आमन्त्रित व्यक्तिले अनौपचारिक पार्टी भनेपनि संस्थाको ब्यानरसहित रात्रीभोज गर्न तयारी भइसकेको छ ।

योगेन्द्रबहादुर क्षेत्रीका भाई प्रवेश क्षेत्रीले फेसबुकमा सजाइएका खाली कुर्ची टेवलको तस्विर राख्दै एनआरएनए यूके घलेको सम्मान गर्न तयार भएको उल्लेख गरेका छन् । क्षेत्री समूहका योगकुमार फगामीले एनआरएनए यूकेले कार्यक्रम राखेको पुष्टि गरे ।

प्रतिक्रिया

सम्बन्धित सामाग्री

फेसबुक