क्यान्सर पीडित चौधरीलाई प्रवासी नेपाली मंच यूकेको सहयोग

लन्डन । प्रवासी नेपाली मंच यूकेले आफ्नो स्थापनाको दशौं वार्षिक उत्सवको उपलक्ष्यमा क्यान्सर पीडित कमलरी मुक्ति आन्दोलनकी अभियन्ता तथा पूर्व सभासद

शान्ता चौधरीको उपचार सहयोगार्थ ३ लाख ६२ हजार रुपैयां सहयोग गरेको छ ।  संस्थाका अध्यक्ष रामशरण सिम्खडाको विशेष अनुरोधमा समाजसेवी इशा गुरुङले एक हप्ताको अभियान संचालन गरी उक्त रकम संकलन गरेकी थिइन् भने मंचको तर्फबाट शान्ति थापा कुवरले सहयोगको संयोजन गरेकी थिइन्  ।

काठमान्डौबाट यस कार्यक्रमको सहजीकरण प्रवासी नेपाली मंच यूकेकी सल्लाहकार शुष्मा राईले गरेकी थिइन् । मंचले चौधरी जस्तो सामाजिक रुपमा सकृय नेतृको स्वास्थ उपचार जस्तो पबित्र कार्यमा सानै भएपनि सहयोग गर्न पाउंदा गर्व महसुस भएको जनाउंदै शान्ताको शीघ्र स्वास्थलाभको कामना गरेको छ ।

मंचले उल्लेखनीय भूमिका निर्वाह गर्ने समाजसेवी इशा गुरुङ, शान्ति थापा कुंवर, शुष्मा राई तथा यस कार्यमा आर्थिक सहयोग गर्ने सबैप्रति हार्दिक आभार व्यक्त गरेको छ ।