लण्डनमा बितेका अनिलको शब नेपाल पठाइयो

लण्डन । हृदयघातबाट लण्डनमा निधन भएका अनिलजंग थापाको शव अन्त्येष्ठीका लागि आज नेपाल पठाइएको छ ।
थापाको शवलाई जेट एयरवेजको आज बिहान १० बजेको उडानबाट नेपाल पठाइएको पारिवारिक स्रोतले जनाएको छ ।
थापाको पशुपति आर्यघाटमा अन्त्येष्ठी गरिने बताइएको छ ।
गुल्मी देवीस्थान दरबार घर भई केही वर्षदेखि प्लमस्टिड लण्डनमा बस्दै आएका ३४ वर्षीय थापाको नोभेम्बर ३० का दिन सेन्ट थोमस हस्पिटलमा निधन भएको थियो ।
शुरुमा उनको अन्त्येष्ठी युकेमै गर्ने भनिए पनि परिवारको चाहनाका कारण नेपाल लगिएको हो ।
थापा श्रीमतीसित युकेमा बस्दै आएका थिए ।