तस्विर सौजन्य हरिमान गुरुङ

लन्डन । केही साताअघि बेलायती सेनाको उच्च सैनिक अधिकृत पद लेफ्टिनेन्ट कर्णेलमा पदोन्नति भएका गोर्खा सैनिक यमबहादुर रानालाई अल्डरसटमा सम्मान गरिएको छ । निरमाया रोधीघरमा आयोजित एक कार्यक्रममा रानालाई राष्टिय लोक तथा दोहोरी गीत प्रतिष्ठान बेलायत शाखा, एसियन महिला समूह र निरमाया रोधीघरले खादाले सम्मान गरेका हुन् । राना गल्फ क्लव टिमका तर्फबाट डिनरमा सहभागी हुने क्रममा ति संस्थाले सम्मान गरेका थिए ।

प्रतिष्ठानका संयोजक मोहन गुरुङ, एसियन महिला संघका अम्बिका शाही र सल्लाहकार शान्ति थापा कुंवर तथा निरमाया रोधीघरका प्रोपाइटरहरु गणेश गुरुङ र धन गुरुङले रानालाई सम्मान गर्दै वधाइ दिएका थिए ।
उक्त अवसरमा रानाले धन्यवाद ज्ञापन गर्दै आफ्नो निरन्तर लगाव र संघर्षका कारण बेलायती सेनाको उच्च पदमा पुग्न सफल भएको बताए । उनले आफ्नो सफलता भावी पिंढीका लागि समेत प्रेरणाको श्रोत बन्ने बताएका थिए ।

गुल्मी लिम्घाका यमबहादुर राना बेलायती सेनाको उच्च सैनिक अधिकृत पद लेफि्टनेण्ट कर्णेल पदमा पुग्ने नेपाली मूलका तेस्रो नेपाली हुन् । तर, उनी सेकेण्ड लेफि्टनेण्ट  (स्यान्डर्सस्ट) कोर्स नगरी यो पदमा पुग्ने पहिलो नेपाली हुन् ।