लन्डन । लन्डन एक्सेलमा आइतबार सांझ सम्पन्न ६४ औं मिस वर्ल्डको ताज मिस साउथ अफ्रिका रोलेन स्ट्राउस््ले पहिरिएकी छिन् । २२ वर्षीया स्ट्राउस्् चिकित्सा विषयकी विद्यार्थी हुन् । मिस हंगेरी इडिना कुल्सार फष्ट रनरअप र युनाइटेड स्टेट्सकी एलिजावेथ सफरिट सेकेन्ड रनर अप भए । प्रतियोगितामा विश्वभरका एकसय २० सुन्दरीले प्रतिष्पर्धा गरेका थिए ।
ग्रयाण्ड फिनालेको टप पांचमा मिस इंग्ल्याण्ड, मिस अस्ट्रेलिया, मिस युनाइटेड स्टेट्स, मिस साउथ अफ्रिका र मिस हंगेरी पुगेका थिए ।
त्यस्तै टप टेनमा पुग्नेमा मिस इण्डिया, मिस साउथ अफ्रिका, मिस इंग्ल्याण्ड, मिस गुयना, मिस ब्राजिल, मिस हंगेरी, मिस केन्या, मिस युनाइटेड स्टेट्स, मिस मेक्सिको र मिस अस्ट्रेलिया सुन्दरीहरु थिए । मिस वर्ल्ड अध्यक्ष जुलिया मोर्लेले ६३ वर्ष अघि शुरु प्रतियोगिताको यस वर्षको संस्करण लन्डनमा सफलतापूर्वक सम्पन्न भएकामा प्रसन्नता व्यक्त गरेकी छिन् ।
मिस नेपाल सुविन लिम्बु भने ताजविहीन भइन् । विगतका नेपाल सुन्दरीहरुकै परम्परा दोहोर्याउंदै सुविनले नेपालको प्रतिनिधित्वसहित सहभागिता मात्र जनाउन सकिन् । उनलाई हौसला प्रदान गर्न बेलायतस्थित नेपालीहरु कार्यक्रम स्थलमा ओइरिएका थिए ।
तस्विरहरु ः मिस वोर्ल्डको आधिकारिक वेवसाइटबाट
