आइतबार, असोज ११ २०७७ | Sun, September 27, 2020
नेपालको समय: ०२:४८ | UK Time: 22:03

डिभिजन टु अघि नेपाली क्रिकेट टोली अभ्यासका लागि दक्षिण अफ्रिका जाने

वीनेपाली
२०७१ मंसिर १८ गते १८:११

काठमाडौं। नेपाल क्रिकेट संघ (क्यान) ले जनवरीमा हुने डिभिजन टु क्रिकेट अघि अभ्यास खेल्न खेलाडीलाई दक्षिण अफ्रिका पठाउने भएको छ। खेलाडीले १० दिन दक्षिण अफ्रिकामा रहेर अभ्यास खेल खेल्ने छन् ।

जनवरी १७ देखि २५ सम्म दक्षिण अफ्रिकाको छिमेकी देश नामिवियामा डिभिजन टु प्रतियोगिता चल्ने छ । Cricket-Team-Nepal1दक्षिण अफ्रिका जस्तै मौसम र तीव्र गतिको बलरका लागि सहयोगी हुने पिच नामिवियामा छ।

प्रतियोगितामा केन्या, नामिविया, नेदरल्यान्ड, क्यानडा, नेपाल र युगान्डाको सहभागिता हुनेछ । राउन्ड रोबिनपछि उपाधिका लागि प्ले अफ खेल हुनेछ ।

क्यानले प्रतियोगितामा नेपाली टोलीको व्यवस्थापनका लागि दिवाकर घले, पूर्व कप्तान विनोद दासलाई सहायक कोच, रमण सिवाकोटीलाई प्राविधिक सहयोगी र दिनेश भट्टलाई फिजियोथेरापिष्ट नियुक्त गरेको छ ।

प्रतिक्रिया

सम्बन्धित सामाग्री

फेसबुक